4 studzienia Alaksandr Łukašenka pa zaprašeńni svajho rasijskaha kalehi Uładzimira Pucina vylecieŭ u Sočy.
Uličvajučy šmathadovaje zachapleńnie biełaruskaha lidara chakiejem i viedy ŭ hetaj halinie, a taksama dośvied našaj krainy pa padrychtoŭcy da Čempijanatu śvietu 2014 hoda, prezident Rasii zaprasiŭ Alaksandra Łukašenku ahledzieć hałoŭnuju alimpijskuju chakiejnuju arenu. Kiraŭnik Biełarusi pryniaŭ udzieł u siabroŭskim matčy rasijskaj Načnoj chakiejnaj lihi.
Alaksandr Łukašenka i Uładzimir Pucin hulali ŭ adnoj kamandzie.
Taksama na lod vyjšli zorki suśvietnaha chakieja — Pavieł Bure, Viačasłaŭ Fiacisaŭ, Valeryj Kamienski, Alaksandr Jakušaŭ i inšyja.
Cikava, što BiełTA viała anłajn z hulni, pastaviŭšy navinu ŭ miehahałoŭnaje. Łukašenka hulaŭ u svaim lubimym čornym šlemie pad numaram 1, Pucin — №11.
Tavaryski chakiejny matč zaviaršyŭsia ź likam 12:3 na karyść kamandy, u jakoj hulali kiraŭniki Biełarusi i Rasii.
Adnu z šajbaŭ zakinuŭ Łukašenka, jašče adnu - Pucin.
Paśla matča była zapłanavanaja sustreča kiraŭnikoŭ dziaržaŭ.
Na sumiesnym fota ŭ šlemach zastalisia tolki Pucin i Łukašenka.