Treciaja batareja zienitnaha rakietnaha kompleksu «Tor -M2 » pastupiła na ŭzbrajeńnie 120-j zienitnaj rakietnaj bryhady Zachodniaha apieratyŭna-taktyčnaha kamandavańnia Vajenna-pavietranych sił i vojskaŭ supraćpavietranaj abarony Uzbrojenych Sił Respubliki Biełaruś, paviedamlaje pres-słužba Minabarony.
Klučy ad novaj zienitnaj rakietnaj techniki asabistamu składu ŭručyŭ namieśnik kamandujučaha VPS i vojskami SPA hienierał-major Ihar Hołub.
«Tor» źjaŭlajecca efiektyŭnym srodkam źniščeńnia samalotaŭ, viertalotaŭ, aeradynamičnych bieśpiłotnych latalnych aparataŭ, kiravanych rakiet i inšych elemientaŭ vysokadakładnaj zbroi, jakija laciać na siarednich, małych i hranična małych vyšyniach u składanaj pavietranaj i ź pieraškodami abstanoŭcy.
«Tor -M2» abstalavany sistemaj raspaznańnia «svoj-čužy » i adnačasova raspaznaje bolš za 40 celaŭ, pry hetym pa chutkaści nabližeńnia vyznačaje samyja niebiaśpiečnyja ź ich.
Batareja ZRK «Tor -M2» u składzie čatyroch bajavych mašyn zdolnaja adnačasova źbić 16 celaŭ, jakija laciać ź lubych napramkaŭ z chutkaściu da 700 m /s na adlehłaści da 12 km i vyšyni ad 0,01 da 10 km u lubych umovach nadvorja, dniom i nočču.