Najlepšy biełaruski futbalist apošnich hadoŭ Alaksandr Hleb padpisaŭ kantrakt na 1,5 hoda z tureckim «Kańjaspora».
Da hetaha Hleb pravioŭ siezon z pałovaj u składzie barysaŭskaha BATE, ź jakim vyjhraŭ dva čempijanaty Biełarusi.
U mižsiezońni źjaŭlalisia naviny pra pierachod Hleba ŭ turecki «Antaljaspor» (nie syšlisia ŭ canie) i francuzski «Nant».
«Kańjaspor» – heta nie lidar tureckaha pieršynstva.
Upieršyniu ŭ tureckaj Supierlizie kamanda zhulała ŭ 1988 hodzie, ale paśla hetaha trojčy vylatała ŭ dyvizijon nižej. Nivodnaha razu kamanda nie padymałasia na pjedestał honaru.
Ź viadomych hulcoŭ, što vystupali za «Końjaspor» možna ŭzhadać baśnijca Ełvira Baliča, jaki zaśviaciŭsia navat u madrydskim «Reale». A treniravaŭ kamandu niekali taksama baśnijec Safiet Sušyč, jaki ŭ 2013 upieršyniu vyvieŭ svaju radzimu na čempijanat śvietu pa futbole.
Vystupaje kamanda ŭ zialona-biełaj, ci prosta biełaj formie. U hetym siezonie pakul zajmaje 13-je miesca z 18-ci kamand.
Što tyčycca horada Końji, to mieścicca jon u centry krainy, da mora nie vielmi blizka. Nasielnictva – krychu bolš za miljon. Horad uzhadvaŭsia jašče ŭ Biblii. U Końji znachodzicca šmat słavutych miačetaŭ i miedrese (musulmanskaja vučebnaja ŭstanova).
Za svaju karjeru Hleb pavystupaŭ u takich kamandach: BATE, niamieckija «Štuthart» i «Volfsburh», anhlijskija «Arsienał» i «Birmienhiem», ispanskaja «Barsiełona», rasijskija «Kryły Savietaŭ».
U heta mižsiezońnie ŭ Turcyju pierabraŭsia jašče adzin były hulec BATE Arciom Radźkoŭ, jaki padpisaŭ kantrakt z «Hienčelerbirlihi» z Ankary.
