Razhlad u sudzie kryminalnaj spravy pa fakcie śmierci pacyjentki STAA «Ekamiedsiervis-Miedycynski centr» paśla praviedzienaj płastyčnaj apieracyi pačniecca 9 studzienia, paviedamili ŭ sudzie Kastryčnickaha rajona Minska.
«Razhlad pačniecca 9 studzienia ŭ 10.00», — raspaviali ŭ sudzie.
Pavodle infarmacyi Hienieralnaj prakuratury Biełarusi, da kryminalnaj adkaznaści pavodle art. 428 Kryminalnaha kodeksa Biełarusi (słužbovaja chałatnaść) pryciahvajucca hienieralny dyrektar i hałoŭny inžynier miedcentra, a paavodle č.2 art.162 KK (nienaležnaje vykanańnie prafiesijnych abaviazkaŭ miedycynskim rabotnikam, što paciahnuła pa nieaściarožnaści śmierć pacyjenta) — doktar-aniestezijołah.
23-hadovaja žycharka Hrodna Julija Kubarava pamierła paśla praviadzieńnia płastyčnaj apieracyi pa karekcyi formy nosa ŭ kamiercyjnym miedcentry «Ekamiedservis». Apieracyja pravodziłasia ŭ kancy sakavika, paśla jaje dziaŭčyna tak i nie pryjšła ŭ prytomnaść, była špitalizavana ŭ 4-ju haradskuju kliničnuju balnicu Minska, dzie čatyry tydni praviała ŭ komie. Miedykam nie ŭdałosia jaje vyratavać — 23 krasavika jana pamierła.
