Biełaruś siońnia nazavie svajho pradstaŭnika na «Jeŭrabačańni-2014». Finał nacyjanalnaha adboru mižnarodnaha piesiennaha konkursu pačniecca siońnia a 22.00 u studyi «600 m» Biełteleradyjokampanii, paviedamlaje BiełTA.
Za prava pradstaŭlać Biełaruś na prestyžnym piesiennym forumie, jaki projdzie ŭ pačatku maja ŭ Danii, buduć zmahacca 14 vykanaŭcaŭ:
1. Natalla Tamieła — «Not what I've been looking for»
2. Nuteki — «Fly Away»
3. Arciom Michalenka — «Rapsodyja №1»
4. Maćviej Kupier i hurt DUX — «Strippers»
5. Tea — «Cheesecake»
6. Daryja — «Starlight»
7. Alena Siniaŭskaja — «Via Lattea»
8. Alina Moščanka — «Angel crying»
9. Žaniet — «You will be here»
10. Anastasija Małaškievič - «Runaway»
11. Switter Boys feat Kate&Volga Karol — «Viečnaje kachańnie»
12. Napoli — «Stay with me»
13. Maks Łorens&Dzidziula - «Now you're gone»
14. Tasha Odi - «Empty Universe»
Imia pieramožcy nazavuć pavodle acenak žury i teleaŭdytoryi. Hledačy zmohuć addać svoj hołas za ŭpadabanaha vykanaŭcu paśla vystupu apošniaha ŭdzielnika finalnaha raŭndu na praciahu 10 chvilin.
Finał nacyjanalnaha adboru budzie tranślavacca ŭ pramym efiry na telekanałach «Biełaruś 1» i «Biełaruś 24», a taksama ŭ režymie anłajn na sajcie Jeŭrapiejskaha viaščalnaha sajuza.
U jakaści zaprošanych haściej u finalnym šou prymuć udzieł aficyjny pradstaŭnik Biełarusi na konkursie pieśni «Jeŭrabačańnie- 2013» zasłužanaja artystka Biełarusi Alona Łanskaja, śpiavačka Hiunieš, nieadnarazovaja ŭdzielnica nacyjanalnych adboraŭ «Jeŭrabačańnia», biełaruskaja ŭdzielnica «Jeŭrabačańnia-2006» Palina Smołava, papularny vykanaŭca Alaksandr Saładucha, a taksama niekalki jarkich udzielnikaŭ prasłuchoŭvańnia.
Viadučyja šou — Volha Ryžykava i Dzianis Dudzinski.
