15 studzienia ŭ Minsku pačniecca prodaž elektronnych prajaznych biletaŭ na tramvaj. Pra heta paviedamiła namieśnik hienieralnaha dyrektara dziaržaŭnaha pradpryjemstva «Minsktrans» Iryna Jakuboŭskaja.
fota Vadzima Zamiroŭskaha, Tut.by
«Elektronny prajazny budzie ŭjaŭlać saboj płastykavuju kartku nakštałt kartki dla apłaty prajezdu ŭ mietrapalitenie. Jak i papiarovyja prajaznyja, jany buduć pradavacca na 10, 15 dzion, miesiac i dziejničać z 1 lutaha», — paviedamiła Jakuboŭskaja.
Pavodle jaje słoŭ, na elektronny bilet budzie naličvacca košt, anałahičny koštu papiarovych prajaznych. Akramia hetaha, treba budzie zapłacić załohavy košt — 12 tysiač rubloŭ.
Pry ŭvachodzie ŭ tramvaj uładalniku elektronnaha prajaznoha treba budzie padnieści jaho da elektronnaha kampościera ci validatara (pryłada dla pravierki dakumientaŭ na elektronnych nośbitach), jaki śvietłavym i hukavym sihnałami paviedamlaje, što pajezdka apłačana.
Pravierku apłaty buduć ažyćciaŭlać kantralory, jakija buduć zabiaśpiečany adpaviednymi terminałami. Pryčym pierad zachodam kantraloraŭ u sałon validatary buduć błakavacca.
Prodaž elektronnych prajaznych na tramvaj budzie ažyćciaŭlacca ŭ 139 kijoskach ahienctva «Minsktrans». Z sakavika płanujecca arhanizavać prodaž i ŭ kasach mietrapalitena.
Jak paviedamlałasia raniej, da 1 sakavika płanujecca abstalavać elektronnymi kampościerami i validatarami ŭsie aŭtobusy i tralejbusy. Sistema elektronnych biletaŭ pavinna ŭ poŭnym abjomie pačać pracavać da maja hetaha hoda.
