Hałoŭny trenier chakiejnaha kłuba «Nioman» z Hrodna Dźmitryj Kraŭčanka pavodle aficyjnaj viersii byŭ zvolnieny pa ŭłasnym žadańni. Jak stała viadoma tutgrodno.com, isnuje i nieaficyjnaja viersija. Pryčynaj adstaŭki treniera staŭ kanflikt u kłubnym aŭtobusie paśla adnoj z vyjaznych hulniaŭ.
Zaŭziatary na forumach kažuć, nibyta pryčynaj adstaŭki mahła stacca bojka, zavadataram jakoj staŭ Dźmitryj Kraŭčanka, pryčym u pjanym vyhladzie.
Aficyjna kamientavać hetuju infarmacyju hrodzienskija chakiejnyja funkcyjaniery nie žadajuć. Na sajcie chakiejnaha kłuba «Nioman» jakoj-niebudź infarmacyi ab zvalnieńni hałoŭnaha treniera na dadzieny momant niama.
Pavodle čutak, kiraŭnictva kłuba (mahčyma nie tolki kłuba) pajšło na kampramis - albo kryminalnaja adkaznaść (u treniera ŭžo byŭ umoŭny termin), albo zvalnieńnie pa ŭłasnym žadańni.
Kiraŭnik «Niomana» Anatol Varyvončyk u intervju sport.tut.by zajaviŭ:
Siońnia ja padpisaŭ zajavu Dźmitryja Kraŭčanka ab sychodzie z pasady hałoŭnaha treniera. U im jon pakazaŭ pryčynu «pa siamiejnych abstavinach». Heta była ŭžo druhaja zajava Dźmitryja Alaksandraviča. Pieršaje jon napisaŭ jašče pierad Novym hodam, 31 śniežnia, ale my nie stali jaho razhladać. I voś dniami pastupiła druhaja. Vykonvajučym abaviazki hałoŭnaha treniera pryznačany Eduard Valiŭlin, jaki raniej pracavaŭ asistentam u štabie Dźmitryja Kraŭčanka. Budziem zajmacca pošukami kandydataŭ i paralelna pryhladacca da taho, jak pojdzie praca ŭ Valiulina. U zaležnaści ad hetaha i budziem prymać rašeńnie. Akreślić koła mahčymych kandydataŭ pakul nie mahu, my tolki siońnia pačali pracu ŭ hetym kirunku.
