Niekalki dziasiatkaŭ karmianskich vieteranaŭ padpisałasia pad kalektyŭnym zvarotam «Pa fakcie ździeku nad dziaržaŭnaj simvolikaj Prezidenta RB pry dapamozie nacysckaj svastyki na vyjavie Ściaha RB».
Svoj zvarot jany dasłali ŭ hazietu «Naša Niva».
Skandalnaja historyja pačałasia, kali staršynia Karmianskaha rajvykankama Ivan Navumienka vypisaŭ udziačnaść Pieršasnaj vieteranskaj arhanizacyi Starahradskaha sielsavieta – za ŭdzieł u konkursie samadziejnaści «Nie starejuć dušoj vieterany».
Vieterany ŭdziačnaści nie paradavalisia. Jany aburylisia afarmleńniem błanka. U vierchniaj častcy staronki byli raźmieščanaja kvadratnaja vyjava ściaha Karmy na fonie čyrvona-zialonaha dziaržaŭnaha ściaha – šabłonnaje afarmleńnie dakumienta.
Ale vieterany ŭbačyli ŭ hetym ideałahičnuju dyviersiju.
«Na błanku ŭdziačnaści na vyjavie dziaržaŭnaha ściaha Prezidenta RB u centry raźmieščanaja fašysckaja svastyka na błakitnym fonie, — aburylisia jany. — Dla nas nieprymalnaja prapahanda fašysckich simvałaŭ …. Nas aburaje hłumlivaje staŭleńnie dziaržčynoŭnikaŭ da vieteranaŭ i achviaraŭ VAV. Bo navat baćka Prezidenta abaraniaŭ Radzimu ŭ VAV».
Vieterany nakiravali zvarot u hienieralnuju prakuraturu. Što jany patrabujuć? «Spynić hłumleńnie ź vieteranaŭ», «spynić uručeńnie takich udziačnaściaŭ», «apublikavać prabačeńni čynoŭnikaŭ».
«Naša Niva» pahutaryła ź inicyjataram zvarotu, mahiloŭcam Alaksiejem Paŭłoŭskim. Ci bačyŭ jon kali–niebudź karmianskuju hieraldyku?
«Heta vy, žurnalisty, usie takija razumnyja! A ŭ nas, prostych ludziej, kaho nie spytaješ – usie svastyku bačać. Ja mahiloŭskamu ideałohu pakazaŭ vyjavu, dyk jana za hałavu schapiłasia! A hierb Karmy avalny, a nie taki, jak na błanku namialavali».
Nijakija tłumačeńni, što aproč «avalnaha» hierba Karmy isnuje jašče i pramavuholny ściah Karmy, jaki i vykarystali čynoŭniki, na vieterana nie spracavali.
Jon, jak i astatnija składalniki zvarotu, pa-raniejšamu patrabuje pakarać adkaznych u «prapahandzie fašysckich simvałaŭ».
* * *
Hierb Karmy
Siniaje pałotnišča z suadnosinami šyryni i daŭžyni 1:2, u siaredzinie piaredniaha boku dva biełyja šabielnyja efiesy, pakładzienyja ŭ andrejeŭski kryž.
Asnova hierba i ściaha - radavy hierb «Abšłank», jaki naležyć uładalnikam Karmy ŭ XIX stahodździ - rodu Bykoŭskich. Aŭtar prajekta hierba i ściaha - architektar V.M.Mielnikava.
