Minskija ŭłady abviaścili tendar na pastaŭku stałovaha posudu ŭ Pałac Niezaležnaści. Adpaviednuju zajaŭku na partale dziaržzakupak źmieściła UKB Minharvykankama.
U aŭkcyjonnych dakumientach paznačana, što ilvinaja dola posudu pavinna być vytvorčaści hiermanskaj firmy Falken-Porzellan. Zakupka pravodzicca za košt biudžetu horada Minska.
Falken-Porzellan — viadomy vytvorca farforu samaj vysokaj jakaści. Posud hetaj kampanii adroźnivajecca «vytančanym dyzajnam, ćviordaściu i najbahaciejšym hlancam ŭ spałučeńni z najčyściejšym zołatam i płacinaj ŭ 24 karata».
Falken-Porzellan źjaŭlajecca davoli viadomym u śviecie pastaŭščykom posudu dla rezidencyj, dziaržorhanaŭ, pasolstvaŭ, asabliva važnych pierson i piacizorkavych hatelaŭ.
Kampanija daje mahčymaść naniasieńnia firmiennych łahatypaŭ i aficyjnych hierbaŭ. Nie staŭ vyklučeńniem posud i dla Pałaca Niezaležnaści.
Amal usie siervizy pavinny być azdobleny dziaržaŭnymi hierbami.