 Stanisłaŭ Šuškievič |
Mnoha ŭžo było skazana pra toje, što SND nie patrebna i što jaho treba źlikvidavać. Ja b skazaŭ, što tut dola praŭdy jość. Jano nie vielmi patrebna ŭ tym płanie, što šmatbakovyja damoŭlennaści dasiahajucca vielmi ciažka. Ale SND zastajecca jašče patrebnym jak struktura. Bo heta spatkańnie na roznych ŭzroŭniach, u tym liku i na samym vysokim, kali možna ŭzhadnić peŭnyja pytańni, patrebnaść u čym zaŭsiody prysutničaje. Mnie zdajecca, što čarhovaje pasiedžańnie hetamu i było pryśviečana.
Pry hetym zastajucca vidavočnymi niedachopy arhanizacyi. Kali raniej štab‑kvatera SND była ŭ Minsku, jana jak by pakazvała, što my pierastajom niekaha ličyć za starejšaha brata. Ale paśla taho, jak była pieraniesiena ŭ Maskvu ekanamičnaja struktura štab‑kvatery SND, faktyčna znoŭ ŭsio centralizavałasia vakoł Maskvy. I ciapier heta svajho rodu istrumient u rukach Kramlu, jak ja kazaŭ vyšej, dla ŭzhadnieńnia niejkich pytańniaŭ. A što da taho, kab SND vykonvała abjadnaŭčuju funkcyju, dziela čaho, naprykład, u svoj čas uźnikli rymskija pahadnieńni, ci kab u ramkach SND byli zaklučany niejkija surjoznyja ekanamičnyja pahadnieńni pamiž usimi bakami, dyk heta, mnie zdajecca, nie atrymlivajecca i nie moža atrymacca.
Tamu i pačali ŭźnikać bolš drobnyja hruppoŭki — hrupoŭki typu HUAM i mytnaha sajuzu. Mahčyma, jany buduć raźvivacca pa eurapiejskamu pryncypu. Ale pakul hetaha niama. Tamu što niama miechanizmu praviadzieńnia rašeńniaŭ SND praz nacyjanalnyja zakanadaŭstvy. Dekaratyŭny charaktar nosić i hetak zvanaja Parłamienckaja asambleja SND. I pasada hłavy vykankamu SND, jak i asoba, jakaja jaje zajmaje, nie maje anijakaha značeńnia. I ja nie baču pakul što nijakich suŕjoznych ruchaŭ u płanie ŭnifikacyi zakanadaŭstva i demakratyzacyi ŭsich hetych krain.
