Łoŭkostar patłumačyŭ skaračeńnie rejsaŭ niedachopam samalotaŭ.
Ryanair unios źmieny ŭ letni raskład palotaŭ z polskich aeraportaŭ. Jak vidać ź sistemy braniravańnia, kampanija zakryła niekalki dziasiatkaŭ maršrutaŭ. Mnohija ź ich nie buduć adnoŭleny paśla zimovaha siezonu, kali kolkaść rejsaŭ tradycyjna mienšaja, čym uletku.
Kampanija, chutčej za ŭsio, zakryje rejsy z Bydhoščy ŭ Dziusieldorf, Žyrony i Hłazha, z Hdańska ŭ Žyronu, z Katavicaŭ ŭ Brystal, Edynburh, Žyronu i Mančestar, z Krakava ŭ Biłund, Kork i Hioteborh, z Łodzi ŭ Brystal, Edynburh, Livierpul i Miłan, z Lublina ŭ Livierpul, z Poznani ŭ Ist-Midłends i Miłan, z Žešuva ŭ Birminhiem, Žyronu i Hłazha, z Ščecina ŭ Brystal i Edynburh, z Urocłava ŭ Brusel, Vieniecyju, Malmie i Bornmut.
Z Varšavy płanujecca admianić paloty ŭ Frankfurt, Bern, Kork i Dziusieldorf.
Niekatoryja z hetych maršrutaŭ całkam źnikli ź sistemy braniravańnia, los inšych pakul jašče nieviadomy. Infarmacyju ab skaračeńni palotaŭ ŭžo paćvierdzili pradstaŭniki kampanii. Pavodle słoŭ Katažyny Haborac, jakaja adkazvaje za markietynh, Ryanair pamienšyć kolkaść rejsaŭ i z aeraportaŭ inšych krain.
