 |
Faza marudnaha raźvićcia rynku kamercyjnaj nieruchomaści Biełarusi źmianiajecca fazaj paskoranaha raźvićcia, pieradaje słovy pradstaŭnika kampanii Colliers International u krainach Bałtyi i Biełarusi Michaiła Marozava hazeta «Biełorusy i rynok».
Na dumku sp. Marozava, pra zakančeńnie peryjadu zastoju ŭ sfery kamercyjnaj nieruchomaści ŭ Biełarusi śviedčyć šerah faktaŭ. U pieršuju čarhu, heta vysoki popyt na ofisnyja i handlovyja centry. Pavodle eksperta, miascovyja kampanii zacikaŭlenyja ŭ stvareńni kamfortnych umovaŭ dla svaich supracoŭnikaŭ, kab paźbiehnuć mihracyi karysnych specyjalistaŭ za miažu. Tamu jany hatovyja ŭkładać vialikija srodki ŭ pabudovu ofisnych centraŭ, jakija b adpaviadali ŭsim sučasnym patrabavańniam. Raście cikavaść da biełaruskaha rynku i z boku zamiežnych kampanijaŭ, najpierš tych, što pracujuć u sfery vysokich technalohijaŭ, bankaŭ i strachavańnia. U svaju čarhu rost płaciežazdolnaści biełarusaŭ padvyšaje popyt na pasłuhi i padšturchoŭvaje raźvićcio handlu. Heta pryvodzić da taho, što forma handlu pastupova źmianiajecca — usio bolš zapatrabavanymi robiacca supermarkiety i handlova‑zabaŭlalnyja centry. I heta charakterna nia tolki dla stalicy, ale j dla abłasnych centraŭ i bujnych haradoŭ Biełarusi.
Evalucyja handlu padšturchoŭvaje da raźvićcia składzkuju lahistyku. Tamu, budujučy bujnyja handlovyja centry, varta pakłapacicca i pra lahistyčnyja centry. Na siońnia stvareńnie sietki takich centraŭ, uličvajučy tranzytnaje stanovišča krainy, najbolš perspektyŭnaje, upeŭnieny pradstaŭnik Colliers International.
Fota photo.bymedia.net
