Paŭabaronca zbornaj Biełarusi Renan Bresan padpisaŭ kantrakt z čempijonam Kazachstana — «Aktabie» z Akciubinska. Termin pahadnieńnia — 2 hady, paviedamlaje Priessboł.
Goals.by
Renan Bresan naradziŭsia ŭ brazilskim Tubaranie (štat Santa-Kataryna) u 1988 h. Pryjechaŭ u Biełaruś u 2007 h. Vystupaŭ za «Homiel» (2007—2009), z 2010 pa 2012 h. — za BATE, ź jakim trojčy stanaviŭsia čempijonam krainy, hulaŭ u Lizie čempijonaŭ, trojčy pryznavaŭsia najlepšym hulcom čempijanatu Biełarusi (2010—2012), byŭ pryznany najlepšym hulcom Biełarusi ŭ 2012 h..
Atrymaŭ biełaruskaje hramadzianstva, vystupaje za nacyjanalnuju zbornuju, hulaŭ na Alimpijadzie ŭ Łondanie.
U listapadzie 2012 h. Bresan pierajšoŭ u kłub rasijskaj premjer-lihi «Ałanija» (kantrakt byŭ zaklučany na 3,5 hoda), ale ŭviesnu 2013 h. kłub vylecieŭ u pieršuju lihu, a ŭvosień Bresan syšoŭ z «Ałanii», skasavaŭšy kantrakt z-za hrubaha parušeńnia kłubam finansavych umoŭ pahadnieńnia, jamu niekalki miesiacaŭ nie płacili zarobak.
Raniej paviedamlałasia, što Bresan moža praciahnuć karjeru ŭ rodnaj Brazilii. U pryvatnaści, nazyvalisia kłuby «Krysiŭma» i «Resifi».
