Zmahalisia sa šviedami tajm, a potym papłyli: biełarusy prajhrali druhi matč na ČIE

Mužčynskaja zbornaja Biełarusi prajhrała druhi matč na čempijanacie Jeŭropy pa handbole, što prachodzić u Danii.

Biełarusy adzmahalisia sa šviedami 25 chvilin, źlili kancoŭku i ŭčystuju prajhrali druhi tajm, den2014.ehf-euro.com.

Siońnia, 15 studzienia, padapiečnyja Juryja Šaŭcova sastupili siarebranym pryzioram Alimpijady ŭ Łondanie, zbornaj Šviecyi ź likam 22:30 (pieršy tajm — 10:13).

Najlepšym u biełarusaŭ byŭ Siarhiej Rutenka, jaki zakinuŭ 13 miačoŭ, ź ich 7 ź pienalci.

Treci matč na čempijanacie biełarusy praviaduć u piatnicu suprać Čarnahoryi (pačatak u 22:10).

Pieramožca dvuboju vyjdzie ŭ nastupny etap (dźvie šaściorki), dzie sabie miesca zabiaśpiečyli i Šviecyja, i Charvatyja, jakoj biełarusy prajhrali ŭ paniadziełak ź likam 22:33.

Darečy, za Čarnahoryju vystupajuć dva byłyja hulcy minskaha «Dynama»: hałkipier Rade Mijatavič (ciapier hulaje za «Mietałurh» Skopje) i levy paŭsiaredni Vaska Ševaljevič («Hanovier»).

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH