Rasijskaja kampanija « Urałkalij» u bližejšy čas moža zaklučyć kantrakt z Kitajem pa pastaŭkach kaliju pa cenach vyšejšych za tyja, na jakija raźličvaŭ Piekin, piša hazieta «Kamiersant» sa spasyłkaj na krynicu.
Z sakavika biahučaha hoda canu kaliju mohuć padniać i dla Brazilii.
Pa słovach krynic, baki chočuć paśpieć zaklučyć ździełku da kitajskaha Novaha hoda, jaki śviatkujecca 30 studzienia. Cana budzie składać $300-320 za tonu. Raniej Kitaj čakaŭ canu na ŭzroŭni $280-290 za tonu.
Pieramovy, pa słovach krynic, uskładniaje «Biełaruśkalij», jaki taksama šukaje šlachi zbytu nazapašanych na składzie uhnajeńniaŭ. «Ale z-za reputacyi nie nadta nadziejnaha pastaŭščyka pieramovy ź Biełaruśsiu buduć vieścisia ŭ apošniuju čarhu», — dadała krynica.
Jak vynikaje z kantekstu, krynicaj haziety byŭ chtości z «Urałkalija» — byłych partnioraŭ, a ciapier kankuresntaŭ biełaruskaj kampanii.
