Adrazu piać bujnych čynoŭnikaŭ Łahojskaha rajvykankama abvinavačvajucca Kamitetam dziaržaŭnaha kantrolu ŭ surjoznych parušeńniach Zakona «Ab baraćbie z karupcyjaj» pry vyrašeńni svajho žyllovaha pytańnia.
Kamitet dziaržaŭnaha kantrolu adpraviŭ u pravaachoŭnyja orhany i ŭ Minabłvykankam akt pravierki Łahojskaha rajvykankama, u jakim adlustravany surjoznyja parušeńni miascovaj viertykallu Zakona «Ab baraćbie z karupcyjaj» u pracesie vyrašeńnia svajho žyllovaha pytańnia.
Tak, pravierkaj ustanoŭlena, što namieśnik staršyni Łahojskaha rajvykankama pa ekanomicy Lijana Chmurovič addała niezakonnaje rasparadžeńnie svaim padnačalenym u padrychtoŭcy rašeńnia vykankama ab pieravodzie ŭ žyły fond numara «luks» viedamasnaj haścinicy «Alimp».
Jak patłumačyli «Ježiednievniku» ŭ KDK, u rasparadžeńni Łahojskaha rajvykankama jość u najaŭnaści žyły fond, kudy časova raśsialajucca śpiecyjalisty, jakija nakiravany ŭ Łahojsk, ale nie majuć žylla ŭ horadzie. Akramia taho, pry nieabchodnaści vykankam moža kampiensavać śpiecyjalistam i apłatu za zdymnaje žyllo. Adnak Ł.Chmurovič, jakuju pryznačyli namieśnikam staršyni rajvykankama, mabyć, nie zachacieła žyć ni ŭ internacie, ni ŭ zdymnaj kvatery. Vyrašyŭšy, što jana zasłuhoŭvaje ŭsich vyhod, vyrašyła pasialicca ŭ numary «luks» viedamasnaj haścinicy «Alimp». Adnak taki numar, choć maje mnostva vyhod, doraha kaštuje.
U haścinicy «Ježiednievniku» patłumačyli, što numar «luks» kaštuje 450 tysiač rubloŭ za sutki. U miesiac vychodzić kala 13,5 miljonaŭ rubloŭ, što pryblizna roŭna 80 % zarobku namieśnika staršyni vykankama. Zrazumieła, što takuju sumu Ł.Chmurovič nie chacieła płacić, tamu i prydumała chitry chod ź pieravodam numaroŭ haścinicy ŭ žyły fond i nadańniem im statusa internata. U vyniku miesiačnaja płata stała składać kala 200 tysiač rubloŭ. Heta ŭ dva razy mienš, čym płocić siaredniestatystyčny hramadzianin za kamunalnyja pasłuhi ŭ dvuchpakajovaj kvatery.
Sam pa sabie numar «luks» u haścinicy «Alimp» nie ŭjaŭlaje saboj ničoha asablivaha. Dva pakoi, ukamplektavanyja meblaj, vanny pakoj, chaładzilnik, televizar. Adnak hałoŭnaja kaštoŭnaść numaroŭ nie ŭ hetym. Bo pry pražyvańni ŭ haścinicy, žycharam nie treba ni pra što kłapacicca. Tvoj numar prybiaruć, pamianiajuć i pamyjuć bializnu i da t.p. Kali ŭličyć, što ŭ haścinicy na pieršym paviersie mieścicca i restaran, to žyćcio naohuł paŭstaje ŭ radasnych kolerach.
Cikava, što kali Ł.Chmurovič sama ŭładkavała svajo žyćcio, to pačała dapamahać i inšym značnym čynoŭnikam rajona. Adnamu za adnym numaram haścinicy nadavaŭsia status internata i tudy zasialalisia hałoŭny zaatechnik, dyrektar kambinata bytavoha absłuhoŭvańnia i inšyja važnyja piersony. KDK naličyŭ usiaho piać čałaviek, jakija niezakonna pražyvali ŭ haścinicy kala paŭtara hoda. A ciapier davajcie padličym, kali ŭ miesiac adzin čynoŭnik abychodziŭsia ŭ sumu 13.500.000 rubloŭ, to piać za paŭtara hoda — heta bolš za miljard materyjalnaj škody haścinicy. Darečy, jak vyśvietliŭ «Ježiednievnik», ciapier u haścinicy ŭ najaŭnaści jość tolki adzin numar «luks». Mienavita tamu, kali zimoj pryjazdžajuć adpačyvalniki, byvaje, što numaroŭ i nie chapaje.
Jak vyśvietliŭ «Ježiednievnik», ciapier materyjały KDK pieradadzienyja ŭ pravaachoŭnyja orhany dla dačy dziejańniam čynoŭnikaŭ pravavoj acenki. Adnak Ł.Chmurovič i inšyja łahojskija čynoŭniki, jakija niezakonna pražyvali ŭ haścinicy, praciahvajuć zajmać svaje pasady. Vidać, jany nie vielmi i zasmučanyja.
U samoj haścinicy «Alimp» «Ježiednievniku» zajavili, što ni ŭ čym nie vinavaty. Maŭlaŭ, haścinica znachodzicca na bałansie adździeła pa fizičnaj kultury, sportu i turyzmu Łahojskaha rajvykankama, tamu jak u takoj situacyi nie puścić na pastoj načalstva?
Voś jak vyhladaje numar «luks» haścinicy «Alimp».
