Na šlachu da čarhi pa «dary vieščunoŭ» źbirali achviaravańni na chram.
Čarha pačynałasia ŭsiaho za sotniu mietraŭ ad praśpiekta Niezaležnaści.
Ludzi ŭ čarzie apranajucca ciaplej.
Hrecca možna ŭ čyrvonych śpiecyjalnych namiotach…
…taksama hrecca možna ŭ aŭtobusach, jakija stajać uzdoŭž čarhi.
…hrecca možna i ŭ padjezdach, jak hetaja spadarynia. Jana kaža, što staić u čarzie ad 15.00.
Byli ŭ čarzie baćki z małymi dziećmi.
Ale pieravažali ludzi stałaha vieku.
Siarod šmattysiačnaha natoŭpu było prosta zhubić adno adnaho.
Turnikiety na padychodach da chrama.
U Minsk siońnia dastavili «dary vieščunoŭ» — pravasłaŭnuju relikviju z manastyra Śviatoha Paŭła na Afonskaj hary.
Lehienda śćviardžaje, što heta tyja samyja dary, jakija prynieśli vieščuny maleńkamu Isusu Chrystu. Ale navukoŭcy davodziać, što relikvija — častki paradnaha pojasa adnaho z apošnich vizantyjskich impierataraŭ.
Pierš čym trapić u Biełaruś, dary pabyvali ŭ Rasii. U Maskvie i Pieciarburhu ludzi stajali pa šmat hadzin u čarzie, kab ich pabačyć.
Z aeraportu Minsk-2 dary pryvieźli ŭ chram Iova Šmatpakutnaha pry Domie miłasernaści (vuł. Skaryny, 11, mikrarajon «Uschod»).
Pahladzieć na ich iduć tysiačy ludziej (naziralniki kažuć — ad 5 da 10 tysiač), niahledziačy na viečar i mocny choład. Utvaryłasia čarha ŭ niekalki kiłamietraŭ.
Uzdoŭž čarhi stajać śpiecyjalnyja aŭtobusy i namioty, u jakich možna sahrecca.
«Dary vieščunoŭ» prabuduć u Minsku da 23 studzienia. Dalej ich paviazuć u Kijeŭ.
Čytajcie taksama: U Minsk pryviazuć «dary vieščunoŭ»: što heta takoje nasamreč
