U Minsku padviali vyniki anłajn-konkursu biełaruskamoŭnych videarolikaŭ «Krok napierad» i ŭznaharodzili pieramožcaŭ.
Śviatočnaja impreza prajšła ŭ pamiaškańni arhanizacyi «Blue Sky». Usiaho na konkurs było pradstaŭlena 12 rabot, a ŭ hałasavańni ŭziali ŭdzieł bolš za paŭtary tysiačy čałaviek.
Pravieści taki konkurs prydumaŭ 24-hadovy minčuk Juraś Jurčanka, u minułym prafiesijny futbalist.
Pa zadumie arhanizataraŭ,
pieramožcy vyznačalisia ŭ dva etapy: adkrytym anłajn-hałasavańniem i rašeńniem žury konkursu.
U skład žury ŭvašli Aleh Chamienka, muzyka, vykładčyk, radyjoviadoŭca, lidar hurtu «Pałac»; Siarhiej Haranin, namiesnik dyrektara Instytuta movy i litaratury imia Jakuba Kołasa i Janki Kupały NAN Biełarusi, Aleś Suša, namieśnik dyrektara pa navukovaj rabocie i vydavieckaj dziejnaści Dziaržaŭnaj ŭstanovy «Nacyjanalnaja biblijateka Biełarusi», Aleś Mazanik, mieniedžar kulturnickich prajektaŭ, kiraŭnik sajta imbryk.by; Luboŭ Dudarevič, režysiorka, akciorka, udzielnica šmatlikich teleprajektaŭ, Andrej Pałupanaŭ, režysior, dyrektar KIU «Majsternia sacyjalnaha kino», zasnavalnik Minskaj kinaškoły-studyi, Aleś Płotka, žurnalist, PR–mieniedžar kampanii «Budźma biełarusami!», Ilja Aksienaŭ, dyrektar internet-kramy «LSTR Adziennie».
Pa vynikach anłajn-hałasavańnia pieršaje miesca atrymaŭ rolik «Viedaj svoj rod. Adroźnivajsia» (Kaciaryna Zubovič),
druhoje – «Ty moj brat, kaho zvać biełarusam…» (Andrej Korak) i treciaje miesca – «Ty razmaŭlaj sa mnoj pa-biełarusku!» (Pavieł Buškoŭ).
Pa vynikach pracy žury 1 miesca atrymaŭ rolik «Vučy biełaruskuju movu. Zaraz ci nikoli!» (Pavieł Supanienka),
2 miesca – «Stanisłaŭ Maniuška» (Alaksandr Čachoŭski), a 3 miesca, nabraŭšy paroŭnu hałasoŭ, padzialili dva roliki:
«Zrabi krok napierad!» (Jaŭhien Rusialevič) i «Prostyja słovy» (Julija Stryha).
Śpiecyjalnym pryzam ad sajta imbryk.by była adznačanaja rabota Chvatana Sumlennaha «Antydepresant. Voś tak i žyviem!»
Paśla ŭračystaha ŭznaharodžvańnia
Aleś Mazanik prapanavaŭ da prahladu rolik, dasłany biełaruskamoŭnaj ispankaj Anhiełaj Eśpinosaj, jakaja zaśpiavała «Pahoniu»
na słovy Maksima Bahdanoviča i zaklikała biełarusaŭ da vyvučeńnia rodnaj movy.
Pamiatnymi pryzami byli adznačanyja roliki «Źmiani maršrut svajho žyćcia!» (Micura Volha), «Krok napierad» (Ryhor Šabieka), «Tolki pieśnia» (rep-hurt «Sialanie», Mikaševičy), «Zrabi krok napierad!» (Vieranika Hilevič).
Jak adznačyŭ adzin z čalcoŭ žury Aleś Suša, dla jaho było vialikim honaram uziać udzieł u pracy prajekta: «Važna nie pabajacca zrabić krok napierad. Takaja inicyjatyva vartaja bolš čym prosta padtrymki, hetyja ludzi mohuć być prykładam dla inšych biełarusaŭ!»
Arhanizatary i siabry prajekta vykazali vialiki spadzieŭ, što jon atrymaje praciah i raźvićcio z metaj pašyreńnia biełaruskaj movy i kultury.
