Niekalki dziesiatkaŭ čałaviek, jakija pradstaŭlajuć siabie, jak «žychary Kijeva» pryjšli ŭ subotu da barykady Majdana na skryžavańni Chryščacika i vulicy B.Chmialnickaha z namieram «navieści paradak u stalicy».
Siarod ich jak maładyja ludzi spartovaha ciełaskładu, tak i ludzi piensijnaha ŭzrostu.
Jak pieradajuć infarmahienctvy, mitynhoŭcy — prychilniki jeŭraintehracyi — miakka i biezkanfliktna nie dazvolili «cituškam» razabrać barykadu. Aktyvisty Jeŭramajdanu stali ŭ šerahi zvonku barykady i pierakryli padychody da jaje.
Milicyja ŭ akcyju nie ŭmiešvałasia, zastajučysia ŭ baku.
Dla praduchileńnia mahčymych pravakacyj i sutyknieńniaŭ na miesca padziej prybyli narodnyja deputaty na čale ź lideram partyi «Svaboda « Aleham Ciahnibokam.
Nijakich kanfliktaŭ pamiž tymi, chto sabraŭsia pa abodva baki, pakul nie adbyłosia, ludzi abmiažoŭvajucca dyskusijami i abmienam dumkami.