Da hetaj krainy Vanesa Mej maje vielmi ŭskosnaje dačynieńnie.
Jana naradziłasia ŭ Sinhapury. Jaje maci – kitajanka, baćka – taiłandziec. Kali joj było čatyry hady, baćki raźvialisia, i maci zabrała jaje ŭ Anhliju.
Ź dziacinstva skrypačka zajmałasia hornymi łyžami, ale vystupała pad proźviščam svajho baćki jak Vanesa Vanakor.
Pakolki vystupać za zbornuju Anhlii ŭ jaje nie było šansaŭ, Vanesa Mej pasprabavała trapić na Hulni ŭ Sołt-Łejk-Sici ad Taiłanda. Ale ŭłady zapatrabavali, kab skrypačka admoviłasia ad anhlijskaha hramadzianstva. Jana nie rašyłasia, tamu ideja nie ažyćciaviłasia. Ciapier Vanesie byŭ vydadzieny taiłandski pašpart.
Pra svoj namier pryniać udzieł u Alimpijskich Hulniach u Sočy Vanesa Mej zajaviła jašče ŭ 2010 hodzie.
Niadaŭna jana pryniała ŭdzieł u spabornictvach, jakija prachodzili ŭ Słavienii. Na ich skrypačka zmahła nabrać nieabchodnyja bały dla ŭdziełu ŭ kvalifikacyi.
Pavodle infarmacyi vydańnia Bangkok Post, pradstaŭnik alimpijskaha kamiteta Taiłanda zajaviŭ, što Vanesa Mej čakaje piśmovaha paćvierdžańnia svajho ŭdziełu ŭ alimpijadzie.
