Tranślacyju ChXII zimovych Alimpijskich hulniaŭ 2014 hoda ŭ Sočy na Biełaruś buduć vieści telekanały «Biełaruś 1», «Biełaruś 2» i « Biełaruś 5».
«Ahulny abjom alimpijskaha viaščańnia na telekanałach Biełteleradyjokampanii składzie bolš za 400 hadzin.
Hledačy «Biełaruś 1» ubačać pramyja tranślacyi ŭračystaha adkryćcia i zakryćcia Alimpijskich hulniaŭ i finału chakiejnaha turniru. Pra samyja cikavyja momanty Alimpijady možna budzie daviedacca z «Dziońnikaŭ Alimpijady», jakija buduć vychodzić štodnia z 7 lutaha paśla infarmacyjnaj pieradačy «Panarama».
Telekanał «Biełaruś 2» pakaža ŭsie spabornictvy z udziełam biełaruskich spartsmienaŭ, a taksama samyja važnyja chakiejnyja matčy i samyja vidoviščnyja spabornictvy Alimpijady. Repartažy, jakija prachodziać adnačasova, buduć vieścisia ŭ režymie pieraklički.
«Biełaruś 5» na čas hulniaŭ stanie «alimpijskim kanałam» z 19-hadzinnym viaščańniem, dzie ŭ pramym efiry pakažuć maksimalnuju kolkaść spabornictvaŭ pa roznych vidach sportu. Štodnia tut budzie vychodzić prajekt «Alimpijada: Vyniki dnia».
Kamientavać Alimpijskija hulni buduć Uładzimir Navicki, Pavieł Baranaŭ, Alaksandr Kaziukievič, Siarhiej Mackievič, Alaksandr Dźmitryjeŭ i Alaksandr Ćviačkoŭski.
ChXII zimovyja Alimpijskija hulni 2014 hoda ŭ Sočy projduć z 7 pa 23 lutaha.
