Jeŭrasajuz nakiroŭvaje ŭ Kijeŭ kamisara ES pa pytańniach pašyreńnia i Jeŭrapiejskaj palityki susiedstva Štefana Fiule i Viarchoŭnaha pradstaŭnika ES pa pytańniach źniešniaj palityki i palityki biaśpieki Ketryn Eštan dla sadziejničańnia dyjałohu ŭkrainskaj ułady i apazicyi.
Pra heta paviedamiŭ pradstaŭnik Jeŭrakamisii Aliŭje Bai, infarmujučy žurnalistaŭ ab telefonnaj razmovie prezidenta Viktara Janukoviča i prezidenta Jeŭrakamisii Žaze Manuela Barozu.
«Prezident Barozu skazaŭ Janukoviču, što my hatovyja spryjać dyjałohu i źnižeńniu napružanaści situacyi. Prezident Barozu prapanavaŭ, kab kamisar ES Fiule naviedaŭ Kijeŭ 24 studzienia, a Viarchoŭny pradstaŭnik ES i vice-prezident Jeŭrakamisii Eštan, mahčyma, pajedzie ŭ Kijeŭ na nastupnym tydni», — adznačyŭ śpikier JEK.
Takim čynam Štefan Fiule naviedaje Kijeŭ 24-25 studzienia dla praviadzieńnia sustreč z pradstaŭnikami ŭłady, apazicyi i hramadzianskaj supolnaści.
Jak viadoma, 23 studzień lidary apazicyi Vital Kličko, Arsień Jacaniuk i Aleh Ciahnibok praviali sustreču z prezidentam Janukovičam, jakaja doŭžyłasia kala 4-ch hadzin. 24 studzienia pieramovy pavinny praciahnucca.
Razam z tym adbylisia telefonnyja razmovy Viktara Janukoviča ź jeŭrapiejskimi i amierykanskimi vysokapastaŭlenymi asobami: Janukoviču patelefanavali kancler Niamieččyny Anhieła Mierkiel, prezident Jeŭrakamisii Žaze Manuel Barozu i vice -prezident ZŠA Džozef Bajden
Padčas Janukovič paabiacaŭ Barozu nie ŭvodzić u Ukrainie nadzvyčajnaje stanovišča.
