Fota za zdymkaŭ filma «Žyvie Biełaruś»
28 studzienia ŭ Minsku pačnucca zdymki kinaprajekta «Aviel» — dziaržaŭnaha adkazu na film «Žyvie Biełaruś», jaki źniaŭ polski režysior Kšyštaf Łukaševič pra padziei Płoščy śniežnia 2010 hoda.
Jak paviedamlała «Naša Niva», pjeršymi buduć źniatyja kadry demanstracyi. Zdymki adbuducca ciaham dvuch dzion na Kastryčnickaj płoščy i płoščy Niezaležnaści.
Jak budzie arhanizavanaja imitacyja Płoščy?
U pradziusarskim centry «Nonstop Miedyja», jaki zajmajecca stvareńniem «Aviela», paviedamili, što nijakaha ačapleńnia na płoščach nie płanujecca.
Bolš za toje, u navinach pa dziaržaŭnych kanałach navat miarkujuć papiaredžvać hramadzian, što prajezd pa centry horada budzie ŭskładnieny.
Čakajecca, što kolkaść masoŭki dasiahnie 4000 čałaviek. Zrazumieła, u nivodnaj bazie niama takoj kolkaści čałaviek. Tamu, jak paviedamili ŭ «Nonstop Miedyja»,
masoŭka budzie farmiravacca ź dźviuch krynic. Častku aŭdytoryi zabiaśpiečać dziaržaŭnyja struktury, jakija pryviaduć na płošču svaich ludziej. Akramia taho, u zdymkach zmohuć pryniać udzieł usie achvotnyja. Praŭda, ich praca nie budzie apłočvacca.
Pradziusary abiacajuć, što stvareńnie filma budzie adbyvacca adkryta, z maksimalnym pryciahnieńniem žurnalistaŭ, jakija zmohuć zadać lubyja pytańni režysioru Uiljamu De Vitalu (sapraŭdnaje proźvišča Vital Vasilkoŭ). Režysior, darečy, — ukrainski kaskadzior, jaki pierajechaŭ u ZŠA i pamianiaŭ prozivšča.
