Sud Pružanskaha rajona asudziŭ 34-hadovaha ślesara AAT «Pružanskaje» za paŭtornaje na praciahu hoda kiravańnie transpartnym srodkam u stanie ałkaholnaha apjanieńnia da 1 hodu i šaści miesiacaŭ papraŭčych rabot z utrymańniem na karyść dziaržavy 15 % zarobku, pryznaŭšy vinavatym pavodle č. 1 art. 317-1 Kryminalnaha kodeksa (kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia, ździejśnienaje na praciahu hoda paśla nakładańnia administratyŭnaha spahnańnia za takoje ž parušeńnie).
Taksama mužčyna pazbaŭleny prava zajmacca dziejnaściu, źviazanaj z kiravańniem transpartnymi srodkami, terminam na 5 hadoŭ.
Jak paviedamiŭ prakuror Siarhiej Haroška, 12 śniežania 2013 na pačatku dziasiataj hadziny ranicy na terytoryi małočna-tavarnaj fiermy ŭ vioscy Chicieŭščyna traktar «MTZ 952», na jakim pracavaŭ ślesar, spynili supracoŭniki DAI. U kryvi mužčyny było vyjaŭlena 0,38 pramile ałkaholu.
Pavodle prysudu traktar «MTZ 952», jaki naležyć AAT «Pružanskaje», kanfiskavany na karyść dziaržavy.