Milicyjantu, jaki vykłaŭ u Interniet videa ździekaŭ bajcoŭ «Bierkuta» z kazaka Michaiłam Haŭrylukom, pryjšłosia źbiehčy z krainy z-za pieraśledaŭ svaimi kalehami.
Pra heta jon raspavioŭ u intervju TSN.
Pavodle aficera, imia jakoha žurnalisty źmianili ź mierkavańniaŭ biaśpieki, videa da jaho trapiła vypadkova. Kaleha pa słužbie pierapisaŭ videa na kampjutar Dzianisa (tak nazyvajuć milicyjanta žurnalisty) i zmantavaŭ jaho, ale zabyŭsia ścierci. Kali Dzianis ubačyŭ zapis, to byŭ šakavany.
«Ja navat nie viedaju, jakoje słova padabrać. Heta navat nie abureńnie … Kryŭdna stała za toje, što zaraz adbyvajecca tatalnaja chłuśnia, i ŭsio ŭ heta vierać», — skazaŭ milicyjant, raskazać ludziam praŭdu.
Pa słovach Dzianisa, da prahladu hetaha videazapisu jon sam nie vieryŭ, što kalehi vykradajuć jeŭramajdanaŭcaŭ i ździekujucca ź ich. Videazapis jon pieradaŭ inšamu, jaki vykłaŭ jaje ŭ internet.
Dzianis napisaŭ zajavu na zvalnieńnie z orhanaŭ. Paśla hetaha na jaho pačałasia sapraŭdnaje palavańnie. Aficeru daviałosia pakinuć krainu. Jaho kabiniet apiačatany.
