Adzin z najbahaciejšych ludziej Hankonha karol nieruchomaści Siesil Čao Cze-Cunh padvoiŭ sumu, jakuju prapanuje lubomu mužčynu, jaki zavajuje serca jaho dački i zdoleje pierakanać jaje vyjści zamuž. Ciapier baćka hatovy zapłacić 120 miljonaŭ dalaraŭ. Prablema u tym, što lubimaja dačka Čao Cze-Cunha — leśbijanka.
Pieršaja jaho prapanova, jakaja składała 65 miljonaŭ dalaraŭ, źjaviłasia ŭ 2012 hodzie, paśla taho jak Hihi Čao sabrałasia zaklučyć šlub sa svajoj partniorkaj, suviaź ź jakoj praciahvałasia 7 hadoŭ. Tady miljarder zajaviŭ, što ad žanicha, jaki zdoleje skiravać jaho dačku na šlach tradycyjnaj aryjentacyi, patrabujecca tolki «ščodraść i dobraje serca».
Z tych časoŭ na serca i ruku Hihi Čao pretendavali 20 tysiač kandydataŭ. Adnak pieraborlivaja niaviesta — aktyvistka ŁHBT supolnaści — vyniesła harbuza kožnamu.
Ale Siesil Čao Cze-Cunh nie adčajvajecca. U adnym ź intervju jon zajaviŭ, što vieryć, što jašče nie pozna «źmianić Hihi», i što adzinaje čaho jon dla jaje choča «dobraha zamužža i dziaciej, jakija ŭznačalać jaho kampaniju».
