Univiersyteckaja kamisija pa pravavych i sacyjalnych pytańniach razhledzieła napiaredadni jaje zajavu na imia rektara Andreja Karala. Inu Sorkinu nie pieraabrali na pasadu dacenta, što aznačaje zvalnieńnie.
Jana prasiła pravieści konkurs paŭtorna. U svajoj zajavie jana taksama napisała, što byli parušany zakanadaŭča zamacavanyja krytery adboru kandydataŭ, a taksama niekatoryja pracedurnyja momanty. U pryvatnaści, pasiedžańnie kafiedry prajšło biez abmierkavańnia kandydatur.
Kamisija vyrašyła, što niama padstavaŭ ni dziela taho, kab pravodzić paŭtorny konkurs na pasadu dacenta, ani kab vynosić pytańnie nakont Iny Sorkinaj na paŭtornaje hałasavańnie ŭniviersiteckaj rady.
Pastanovu pryniali bolšaściu hałasoŭ, ustrymaŭsia tolki adzin.
Ina Sorkina miarkuje, nie zvažajučy na zvalnieńnie, praciahnuć svaju navukovuju i pedahahičnuju dziejnaść, ale pracu daviadziecca šukać.
Raniej z univiersitetu zvolnili dvuch vykładčykaŭ-historykaŭ. Adzin ź ich, prafesar Viačasłaŭ Švied, tak i nie znajšoŭ novaj pracy.
