Lidar «UDARa» Vital Kličko admoviŭsia ad prapanovy prezidenta Ukrainy Viktara Janukoviča stać vice-premjeram pa humanitarnych pytańniach.
Unian.ua
Pra heta paviedamiła pres-słužba partyi paśla sustrečy lidaraŭ apazicyi z kiraŭnikom dziaržavy.
«Ja nie baču siabie va ŭradzie Janukoviča», — zajaviŭ Kličko.
«Niama sensu sa mnoj abmiarkoŭvać pracu va ŭradzie. Navat ŭzdymać hetaje pytańnie niama sensu», — dadaŭ palityk.
Urad taksama admoviŭsia ŭznačalvać Arsienij Jacaniuk.
Kličko taksama vykazaŭ nadzieju, što prezident nie ŭviadzie va Ukrainie nadzvyčajnaha stanovišča.
Pa słovach palityka, prezident Ukrainy narešcie pavinien spynić žyć u tym «ciepłym infarmacyjnym klimacie», jaki dla jaho stvaraje jaho atačeńnie.
Jon dadaŭ, što atačeńnie Janukoviča zapeŭnivaje kiraŭnika dziaržavy, što ŭsio ŭ krainie dobra i toje, što adbyvajecca na płoščach usioj krainy, — nadumanyja rečy z boku maleńkaj hrupy «ekstremistaŭ».
