Kožny naviedvalnik Kupałaŭskaha teatra viedaje budynak prybiralni, jakaja znachodzicca pobač z teatram pa adrasie Enhielsa, 7a.
Pavodle lehiendy, adzin bahaty čałaviek zamoviŭ architektaru dom, ale nie zapłaciŭ za pracu (pa inšaj viersii – toj atrymaŭ simvaličnuju sumu). Tvorca adpomściŭ: u 1914 hodzie stvaryŭ hramadskuju prybiralniu, jakaja źjaŭlaŭsia źmienšanaj kopijaj pałaca.
Siońnia ŭ hetym budynku adkryłasia adna z troch kas Kupałaŭskaha teatra
(dźvie druhija raźmieščany ŭ padziemnym pierachodzie la HUMa i na stancyi mietro «Instytut kultury»). Kasa budzie pracavać kožny dzień z 10.00 da 20.00. Raniej jana znachodziłasia praz darohu – na placoŭcy małoj sceny Kupałaŭskaha, jakaja pakul što zakrytaja na ramont.
Taksama ŭ pamiaškańni kasy budzie raźmieščana suvienirnaja krama, adkryćcio jakoj čakajecca paźniej.
