Asudzili niepaŭnaletniuju za pratest kala rasiejskaha pasolstva
29 sakavika sud Centralnaha rajonu Miensku pakaraŭ 16-hadovuju moładzievuju aktyvistku Vieraniku Łazoŭskuju sudovym papiaredžańniem. Dziaŭčynu zatrymali 28 sakavika padčas niesankcyjavanaj akcyi pratestu la rasiejskaj ambasady, a sudzili za zatrymańnie 6 sakavika. Tady zatrymali jejnuju siabroŭku, a kali Vieranika pryjšła ŭ Centralny RAUS Miensku pacikavicca siabroŭčynym losam, zatrymali i jaje. Pavodle słovaŭ dziaŭčataŭ, u milicyi jaje ŭdaryŭ major Šarahuraŭ, a pry nadhladzie znajšli aficyjnyja ahitacyjnyja ŭlotki Milinkieviča.
Ščučynskaha chłopca łomiać
Siarhieja Laškieviča z Ščučyna 29 sakavika pieraviali z specprymalniku rajadździełu milicyi ŭ SIZA haradzienskaj turmy. Chvory na astmu Laškievič znachodzicca pad aryštam z 14 sakavika. Jamu dahetul nia vystavili nijakich abvinavačańniaŭ, ale abvieścili padazravanym u “padrychtoŭcy asobaŭ da ŭdziełu ŭ masavych biesparadkach” (art.293 KK).
Kryminalnaja sprava maładafrontaŭcaŭ
U spravie maładafrontaŭcaŭ praciahvajucca dopyty: 29 sakavika supracoŭniki KDB dapytali studentaŭ biełaruskaj filalohii Haradzienskha ŭniversytetu Volhu Pałujčyk i Źmitra Cieślanka. Dziaŭčyna pratakołu dopytu nie padpisvała.
Štraf u Žabinkaŭskim rajonie — za dakład AAN
Vasila Andrasiuka ź vioski Staroje Siało Žabinkaŭskaha rajonu 30 sakavika sud Leninskaha rajonu Bieraścia pakaraŭ štrafam u 100 tys.rub. za “raspaŭsiud drukavanaj pradukcyi, vydadzienaj z parušeńniem ŭstalavanaha paradku”. Jašče 17 studzienia Andrasiuka zatrymali ŭ Bieraści padčas raspaŭsiudu brašury “Respublika Biełaruś: Pytańnie ab parušeńni pravoŭ čałavieka i asnoŭnych svabodaŭ u luboj častcy śvietu” z dakładam admysłovaha dakładčyka Kamisii pa pravach čałavieka AAN Adryjana Severyna.
U Salihorsku fantasmahoryja
Aktyvista salihorskaj filii RHA “Biełaruski Chelsynski kamitet” Leanida Marchotku 30 sakavika vyklikali ŭ milicyju, dzie pakazali napisany na jaho pratakoł. Zhodna z dakumentam, 11 lutaha Marchotka padaryŭ dyrektarcy salihorskaha hatelu brašuru “Biełaruś: daroha ŭ budučyniu”, što nia mieła vychodnych źviestak, dy “paśpieŭ pieraškodzić zasialeńniu delehacyi”. Pratakoł maje być pieradadzieny ŭ sud.
Kamunistka pad sudom
Śvietłahorski sud 30 sakavika aštrafavaŭ Viktara Achramčuka j pensijanerku, aktyvistku PKB Śviatłanu Michalčanku na 3 b.v. (93 tys.) za raspaŭjud ahitacyjnych materyjałaŭ za A.Milinkieviča, što j było pryznana parušeńniem zakonu.
Štraf Karniajenku
Sud Žłobinskaha rajonu pastanaviŭ aštrafavać Viktara Karniajenku, davieranuju asobu A.Milinkieviča, na 5 b.v. (155 tys.) i źniščyć 28 000 bukletaŭ kandydata na prezydenta, vydadzienych na srodki Centravybarkamu. Mašynu palityka spynili 6 sakavika, buklety byli kanfiskavanyja na padstavie pravierki ich pachodžańnia. Pasiedžańnie sudu adbyłosia 21 sakavika biez udziełu V.Karniajenki, bo pozvy jon nie atrymlivaŭ. Pra vyrak sudu daviedaŭsia tolki z pastanovy, jakaja pryjšła jamu poštaj 29 sakavika.
U stanie vajny z hruzinami
Mienski haradzki sud 31 sakavika pakinuŭ u sile rašeńnie sudu nižejšaj instancyi, pavodle jakoha hruzinski žurnalist Hieorhi Łahidze pakarany na 15 sutak aryštu.
Zatrymali ŭlotki ŭ Barščeŭskich
Supracoŭniki DAI na Viciebščynie 31 sakavika zatrymali aŭtamabil, jaki pieravoziŭ 25 000 ulotak “Narodny kantrol”, u jakich raspaviadałasia pra niadaŭnija padziei na Placy ŭ Miensku. Na kiroŭcu aŭtamabila žurnalista Vadzima Barščeŭskaha i jahonaha syna Aleha składzienyja pratakoły za raspaŭsiud drukavanaj pradukcyi biez vychodnych źviestak. Za admovu V.Barščeŭskaha adkazvać, kamu pryznačalisia ŭlotki, na jaho skłali dadatkovy pratakoł — za niepadparadkavańnie supracoŭnikam milicyi.
Zatrymanyja na Tydni Voli
U Miensku 26—27 sakavika byli asudžanyja Nadzieja Dułup, Kaciaryna Žylinskaja, Lizavieta Ivanova, Hanna Muradava, Alena Radyna, Aksana Sierhijenka (usie 4 sutak), Julija Kaśpier, Arciom Skarabahaty, Jaŭhien Šadko (5 sutak), Iryna Zavadzkaja, Nastaśsia Karšan, Viktoryja Sacharuk, Volha Snytkina, Nadzieja Syčuhova (pa 7 sutak), Jaŭhien Sivanovič (8 sutak), Alaksiej Adamovič, Dzianis Areška, Siarhiej Bałaj, Andrej Barok, Źmicier Biełuš, Maryja Bryč, Bratko, Maksim Bujnicki, Andrej Bialko, Źmicier Viansko, Aleh Hrubič, Taciana Hryšan, Alaksandar Dziščyc, Dzianis Dzianisaŭ, Dzianis Zavadzki, Natalla Ziemčanka, Jaŭhien Ivaniuk, Vital Klepča, Źmicier Kuleš, Hleb Kurcoŭ, Źmicier Marčuk, Muzyčenka, Uładzimier Nikałajčuk, Alaksandar Pažyhan, Źmicier Pankaviec, Ivan Paršyn, Alaksandar Paŭlenka, Mikita Paŭroz, Kiryła Pradko, Barys Pratasaŭ, Uładzisłaŭ Ravucki, katalicki ksiondz Andrej Sidarovič, jaki byŭ z narodam na płoščy, Andrej Skuratovič, Ściapan Śvidzierski, Maksim Siamienčyk, Jan Tamilin, Vasil Chadnievič, Ihar Chandoha, Pavał Charłančuk, Aleh Čamierka, Źmicier Čapko, Zoja Čaropka, Uładzimier Šyła, Kaciaryna Jankievič, Źmicier Jafimaŭ (pa 10 sutak), Ivan Šablinski (12 sutak), Jury Aksianievič, Źmicier Antanievič, Jury Birukoŭ, Ivan Burykin, Taciana Dziačak, Cichan Zołataŭ, Maksim Kazakoŭ, Anatol Kaściučenka, Alaksiej Kuvajeŭ, Alaksandr Kuŭšynaŭ, Valancina Małašyckaja, Alaksiej Marozaŭ, Pavał Mikułovič, Dzianis Milbit, Natalla Narel, Alaksiej Novikaŭ, Alaksandar Sienčanka, Dzianis Siničyn, Jaŭhien Jakimienka, Alaksandr Jakimovič (pa 15 sutak). Nieviadomyja prysudy atrymali Mikałaj Vajniłovič, Źmicier Halinoŭski, A.Dziehciaroŭ, Źmicier Źvieraŭ, Natalla Kazłova, Ina Klimutko, Andrej Kopieł, Kužaleva, Pryšnieŭski, Rahoŭski (?), Hary Rudziankoŭ, Samal, Andrej Santarovič, Sičko, N.Stachoŭskaja, Mikałaj Čyž.
Nastaśsi Łarynaj śpiarša prysudzili 7 sutak aryštu, a potym zamianili na štraf 20 b.v. (620 tys. rub.). Na 20 b.v. aštrafavali Alaksandra Maciuchina, na 150 b.v. (4 młn 650 tys.) — Antaninu Šyš. Jak niepaŭnaletnich adpuścili Vieru Kupčanku, Ivana i Illu Šyłaŭ.
Zatrymańni kala Akreścina
Kala izalatara na Akreścina 25 sakavika zatrymali Alaksandra Paŭlenku, Tacianu Paŭlenku, jaki sprabavali vyśvietlić los svajho, adpaviedna, brata j syna Alaksandra Paŭlenki.
16-hadovamu adbili nyrku
Źbity AMAPaŭcami ŭ noč na 24 sakavika pry znosie namiotavaha haradka 16-hadovy Andrej Kuźminski trapiŭ u bolnicu z hiematomaj nyrki.
AŠ
