Kitajskaja kampanija Lenovo nabudzie ŭ Google vytvorcu telefonaŭ Motorola Mobility, paviedamlaje The Verge. Košt uhody składzie 2,91 młrd dalaraŭ.
Kiraŭniki Google i Lenovo Łary Pejdž i Jan Juańcyn, fota: @Google
Lenovo zapłacić Google 660 młn dalaraŭ paśla padpisańnia ździełki, jašče 750 młn adyduć da Google u vyhladzie kaštoŭnych papier. Astatnija 1,5 młrd dalaraŭ Lenovo vypłacić na praciahu troch hadoŭ. Bolšaść patentaŭ, jakija naležać Motorola, zastanucca ŭ Google.
Kampanija Google stała ŭładalnikam Motorola ŭ 2012 hodzie, suma ŭhody tady skłała 12,5 młrd dalaraŭ. Asnoŭnaj metaj kupli było patentnyja partfolia Motorola. U kancy 2012 hoda Google za 2,5 młrd dalaraŭ pradała padraździaleńnie Motorola, jakoje zajmajecca vypuskam televizijnych prystavak.
Motorola była zasnavana ŭ ZŠA ŭ 1929 hodzie. Kampanija zajmałasia vypuskam telekamunikacyjnaha abstalavańnia, a ŭ 1983 hodzie vypuściła pieršy kamiercyjny mabilny telefon. U 1990-ch Motorola była hałoŭnym vytvorcam mabilnych telefonaŭ.