Alaksandr Łukašenka 30 studzienia pryniaŭ z dakładam premjer-ministra Michaiła Miaśnikoviča.
Kiraŭnik dziaržavy pacikaviŭsia situacyjaj na pradpryjemstvach, paviedamlaje pres-słužba prezidenta.
«Jak było, tak i zastajecca pytańnie realizacyi našaj pradukcyi. Zrazumieła, što heta valuta, zrazumieła, kryj boža nam paŭtaryć navat letašniuju situacyju, što adbivajecca i na hrašova-kredytnaj palitycy, i na valutnym rynku. Tamu što adbyłosia na pradpryjemstvach, jakija vyklikali ŭ nas tryvohu? Źbirańnie ci źnižeńnie adbyłosia składskich zapasaŭ, asabliva, što adbyvajecca pavodle apieratyŭnych źviestak u studzieni?» — zapytaŭ kiraŭnik dziaržavy.
Łukašenka adznačyŭ, što zaŭtra adbudziecca narada pa pytańniach raźvićcia drevaapracoŭčaj haliny.
Jon papiaredziŭ čynoŭnikaŭ, jakija zaprošany na mierapryjemstva i rychtujuć dakłady, pra niedapuščalnaść prycharošvańnia situacyi i źviadzieńnia hutarki ad hałoŭnaj temy ŭbok.
«Dla nas vielmi važna, kab hety siektar pracavaŭ, — padkreśliŭ kiraŭnik dziaržavy. — Rana ci pozna my ŭsio adno zapuścim hetyja pradpryjemstvy jak patrebna. Hałoŭnaje pytańnie — realizacyja pradukcyi. I siońnia heta pavinny być nie namiery ŭ pradpryjemstvaŭ, a kankretna prapracavanyja kali nie kantrakty, to pieradkantraktnyja prapanovy. Heta vielmi važna. Tamu što my vyrabim vielizarnuju kolkaść pradukcyi, i nam jaje niama kudy budzie padzieć».
«Ja viedaju pra varušeńni va ŭradzie, ministerstvie, kancernie i na pradpryjemstvach: voś tut prezidentu my pavinny pakazać, kab usiadzieć u kreśle. Michaił Uładzimiravič, ja viedaju vielmi detalova, što adbyvajecca na kožnym pradpryjemstvie.
Tamu papiaredźcie, kab hetaj maniłaŭščyny nie było. I, viadoma, drenna, što my nie ŭ Viciebsku pravodzim hetaje mierapryjemstva, ale pra heta my zaŭtra pahavorym», — skazaŭ Łukašenka, źviartajučysia da premjer-ministra.