Na ŭsich 23-ch barysaŭskich udzielnikaŭ akcyi ŭ padtrymku Majdanu lažać hatovyja listy sudovych pastanoŭ na roznyja administracyjnyja terminy,
paviedamiŭ u svaim fejsbuku hramadski dziejač z Barysava Siarhiej Sałaš, jaki ščylna kantaktuje z zaŭziatarami.
«Karaciej, fanaty BATE ŭ šoku. Bačna, što chłopcy ŭpieršyniu z takim sutyknulisia», — dadaje jon.
Nahadajem, što ŭ paniadziełak ŚMI abyšoŭ zdymak, na jakim 23 fanaty dziesiacirazovaha čempijona krainy pa futbole barysaŭskaha BATE sfatahrafavalisia ź bieł-čyrvona-biełym ściaham i płakatami «Trymajsia, Ukraina, my z vami!» i «Hierojam słava!».
U piatnicu, 31 studzienia, stała viadoma, što jak minimum dva fanaty asudžanyja na piać sutak za akcyju. Heta pry tym, što tvary fanataŭ byli na fota, u metach biaśpieki, razmytyja.
