U matčy 13-ha turu baskietbolnaha turniru Adzinaja liha VTB (jaki abjadnoŭvaje kamandy Rasii, Biełarusi, Ukrainy, Kazachstana, krain Bałtyi, Polščy i Čechii) minskija «Cmoki» prajhrali 2 lutaha ŭ Maskvie CSKA ź likam 68:89 (20:21, 16:20, 20:19, 12:29).
vtb-league.com
Najlepšym u «Cmokaŭ» byŭ Branka Mirkavič (17 ačkoŭ).
Heta ŭžo šostaja zapar paraza minčukoŭ u turniry, apošni raz «Cmoki» pieramahali 17 listapada (u Minsku nad «Astanoj» — 82:68).
Stanovišča kamandaŭ: 1. Chimki — 13 pieramohaŭ, 0 parazaŭ, 2. CSKA — 12-2, 3. Tryumf — 7-5, 4. VEF — 6-8, 5. Astana — 6-8, 6. Čyrvonyja Kryły — 5-7, 7. Čyrvony Kastryčnik — 4-8, 8. Cmoki — 4-8, 9. Niaptunas — 3-9, 10. Azoŭmaš — 3-10.
Siońnia taksama «Astana» hulaje z «Azoŭmašam», a «Tryumf» z «Niaptunasam».
U nastupny raŭnd (čverćfinał) harantavana vychodziać dźvie pieršyja kamandy ŭ hrupie, a kłuby, što zojmuć z 3-ha pa 6-je miesca, zhulajuć pamiž stykavyja matčy, kab vyznačyć udzielnikaŭ čverćfinału.
Nastupny matč «Cmoki» praviaduć 16 lutaha: na «Minsk-Arenie» jany sustrenucca z «Azoŭmašam». Zatym — dźvie hulni ŭ haściach: z «Astanoj» i «Chimkami».
