Telekanał ANT abviaściŭ ab pačatku praviadzieńnia adboraŭ udzielnikaŭ i ŭdzielnic adrazu niekalkich konkursaŭ pryhažości. Jak paviedamili ŭ pres-słužbie telekanała, sioleta akramia tradycyjnaha konkursu «Mis Biełaruś» buduć taksama pravodzicca «Mistar Biełaruś» i «Misis Biełaruś».
«Nacyjanalny konkurs «Mis Biełaruś» — unikalny prajekt, jaki pa svaim maštabie nie maje anałahaŭ u Biełarusi, jon daŭno staŭ vizitnaj kartkaj krainy i telekanała ANT. Sioleta konkurs pryhažości budzie jašče cikaviejšym — zaraz za karonu buduć zmahacca nie tolki dziaŭčaty, ale i zamužnija pryhažuni, a konkurs «Mistar Biełaruś» daść šans i mocnaj pałovie pakazać, na što jany zdolnyja», — padkreślili ŭ pres-słužbie.
Dla ŭdziełu ŭ konkursie «Mistar Biełaruś» arhanizatary zaprašajuć «pryvabnych, charyzmatyčnych i ŭpeŭnienych u sabie mužčyn» ad 18 da 30 hadoŭ rostam nie mienš jak 180 sm, jakija majuć biełaruskaje hramadzianstva.
Dla ŭdziełu ŭ konkursie «Misis Biełaruś» zaprašajucca «aktyŭnyja, adukavanyja, ź jarkaj źniešnaściu žančyny, uzrostam nie mienš za 18 hadoŭ, jakija majuć siamju i dziaciej, rostam nie mienš jak 175 sm, hramadzianki Respubliki Biełaruś.
Da ŭdziełu ŭ štohadovym konkursie «Mis Biełaruś» zaprašajucca dziaŭčaty ad 18 da 24 hadoŭ, jakija nie majuć dziaciej i nikoli nie byli ŭ šlubie, rostam nie mienš jak 175 sm. Pieramožca atrymaje prava pradstaŭlać svaju krainu na konkursie «Mis śvietu» ŭ 2014 hodzie, a taksama na roznych kulturnych, dabračynnych akcyjach, jakija pravodziacca ŭ Biełarusi i za jaje miežami.
Pavodle mierkavańnia arhanizataraŭ, «konkursy pryhažości — zmahańnie nie stolki źniešnich, kolki ŭnutranych čałaviečych jakaściaŭ. Cenicca siła charaktaru i rozumu, abajalnaść, charyzma i, viadoma, tvorčyja zdolnaści. Dla ŭdziełu i pieramohi nieabchodna być usiebakova raźvitaj i šmathrannaj asobaj, jakaja ŭmieje ździŭlać i zapaminacca».
Adbory ŭdzielnikaŭ adbuducca 14, 15, 16 lutaha z 10.00 da 18.00 u Nacyjanalnaj škole pryhažości ŭ Minsku na vulicy Mielnikajte, 4. Padrabiaznaści na sajcie telekanała ONT (www.ont.by) i pa telefonie 8 (017) 284- 34-11.
