Ustupiŭ u siłu prysud, vyniesieny ŭ dačynieńni da 29-hadovaha vykładčyka adnaho z bresckich VNU za atrymańnie chabaraŭ. Papiaredniaje rasśledavańnie hetaj kryminalnaj spravy pravodziła ŭpraŭleńnie Śledčaha kamiteta pa Bresckaj vobłaści.
Śledstvam ustanoŭlena, što vykładčyk z maja 2010 hoda pa studzień 2013 atrymlivaŭ ad studentaŭ i inšych asob, jakija pradstaŭlali ich intaresy, u jakaści chabaru dla siabie hrašovyja srodki i materyjalnyja kaštoŭnaści za dopusk da zdačy ekzamienaŭ i pryniaćcie zalikaŭ pa roznych vučebnych dyscyplinach.
Pa spravie było dapytana bolš za 60 hramadzian, dakazana 16 epizodaŭ złačynnaj dziejnaści vykładčyka, pa jakich jamu byŭ pieradadzieny ad studentaŭ dadzienaha VNU hrašovych srodkaŭ i materyjalnych kaštoŭnaściej na ahulnuju sumu zvyš 3,2 młn rubloŭ.
Na pieryjad śledstva ŭ dačynieńni da padazravanaha była abranaja miera strymańnia ŭ vyhladzie zaklučeńnia pad vartu.
Kančatkovaje abvinavačvańnie jamu było pradjaŭlena pa č. 2 art. 430 KK (atrymańnie chabaru paŭtorna).
Sudom Maskoŭskaha rajona Bresta vykładčyk asudžany na try hady pazbaŭleńnia voli z adbyćciom pakarańnia ŭ papraŭčaj kałonii va ŭmovach strohaha režymu z kanfiskacyjaj majomaści i pazbaŭleńniem prava zajmać pasady, źviazanyja z vykładčyckaj dziejnaściu terminam na try hady.
Prysud nie byŭ abskardžany i ŭstupiŭ u zakonnuju siłu.
