Paciarpieły na zdymkach filma «Aviel» udzielnik zdymačnaj hrupy Alaksandr Łazar usio jašče znachodzicca ŭ apiokavym adździaleńni Haradskoj kliničnaj balnicy chutkaj miedycynskaj dapamohi Minska. Pra heta BiełaPAN paviedamili ŭ balnicy.
4 lutaha niekatoryja ŚMI paviedamili, što padčas vybuchu mikraaŭtobusa na zdymkach karciny 1 lutaha ŭ Minsku paciarpieŭ vadziciel aŭtamabila Alaksandr Łazar, u jakoha byli zafiksavanyja pierałomy, apioki, strasieńnie mazhoŭ i atručeńnie hazapadobnymi rečyvami. Paciarpieły spačatku znachodziŭsia ŭ apiokavaj reanimacyi, a praź niekalki hadzin jaho pieraviali ŭ ahulnaje apiokavaje adździaleńnie.
Kamientujučy hetu infarmacyju, pradziusar filma «Aviel» Siarhiej Ždanovič 5 lutaha paviedamiŭ, što Łazar užo vypisaŭsia z balnicy. «Rabotnik žyvy-zdarovy, usio dobra, na pracoŭnym miescy», — zaznačyŭ pradziusar.
U hutarcy 6 lutaha Ždanovič rastłumačyŭ svaje ŭčarašnija słovy tym, što Łazar nibyta pazvaniŭ jamu i paviedamiŭ, što pryjedzie na pracu, adnak tam nie źjaviŭsia. «Saša kaža, što adčuvaje siabie dobra», — padkreśliŭ Ždanovič.
