Uviečary 7 lutaha tysiačy demanstrantaŭ abkłali prezidencki pałac u Sarajevie — stalicy Bośnii i Hiercahaviny. Jany pačali zakidvać jaho butelkami z zapalnaj sumieśsiu. Častcy palicejskaha śpiecnaza ŭdałosia adcisnuć pratestoŭcaŭ, i tady napadu padvierhsia kompleks budynkaŭ urada.
Mašyny kala prezidenckaha pałaca ŭ Sarajevie
Demanstranty kala prezidenckaha pałaca ŭ Sarajevie.
Tuzła, 7 lutaha
Tuzła, 7 lutaha
Tuzła, 7 lutaha
Tuzła, 6 lutaha
Sarajeva, 7 lutaha
Tuzła, 7 lutaha
Tuzła, 7 lutaha
Z nadychodam ciemry na vulicach Sarajeva zastalisia hrupy moładzi, jakija ŭstupili ŭ sutyčki z palicyjaj. Prezidencki pałac hareŭ niekalki hadzin, i pažar nijak nie ŭdavałasia patušyć. Kolkaść paciarpiełych u Sarajeva dasiahaje niekalkich dziasiatkaŭ čałaviek, jak z boku pratestoŭcaŭ, tak i z boku pravaachoŭnych orhanaŭ.
Raniej u toj ža dzień byli razhromlenyja i spaleny budynki rehijanalnych administracyj u Tuzły i Mostary.
Demanstracyi ŭ Bośnii i Hiercahavinie praciahvajucca ŭžo treci dzień, ale raniej jany nasili mirny charaktar. Pratestoŭcy patrabujuć ad urada nieadkładnych zachadaŭ pa ekanamičnym azdaraŭleńni krainy, u jakoj biespracoŭje dasiahaje 40 adsotkaŭ.
Prezident Žyŭka Budzimir źviarnuŭsia da hramadzian z prośbaj spynić biesparadki.
