Na telefon śpiavački Rusłany Łyžyčki pastupajuć pahrozy fizičnaj raspravy. Pra heta jana zajaviła padčas Vieča sa sceny Majdana.
«Cituški mianie faktyčna vyhnali z majho doma — jany ŭvieś čas dziažurać kala jaho. Za majoj mašynaj sočać. Na telefon prychodziać pahrozy ab fizičnaj raspravie. Mnie ciažka zvyknucca z tym, što mnie telefanujuć i pahražajuć, što zrobiać sa mnoju toje ž, što rabili ź Dźmitryjem Bułatavym. Chaču spytać — što takoha supraćzakonnaha ja rablu, kab dziejničać suprać mianie takimi mietadami?», — spytała sa sceny Majdana Rusłana.
Pavodle jaje słoŭ, pahrozy pačalisia paśla taho, jak u Jeŭropie jana kazała pra sankcyi dla ŭłady Ukrainy.
«Fota tydnia ŭ Jeŭropie — ja na vokładkach ŭ mnohich vydańniach, dzie ja trymaju fota i infarmacyju ab majomaści i nieruchomaści Janukoviča, Klujeva, Zacharčanka. Mnie soramna, pavažanyja, za toje, što vy zrabili z krainaj», — dadała jana.
«Ja była ŭ Miunchienie, Bruseli, Varšavie i ŭsiudy kazała tolki pra adno — pra sankcyi», — adznačyła Rusłana.
«Chaj Janukovič padumaje, u jakim jon apynuŭsia stanoviščy. Ściaham ŭ Sočy machać lohka… Ale jon pieršym nazvaŭ ludziej z nacyjanalnym ściaham ekstremistami», — nahadała jana.
«Movaj zapałochvańnia z nami razmaŭlać nie treba, nikomu nie dazvolim. Staju i budu stajać na Majdanie», — zajaviła Rusłana.
