Kolkaść rabotnikaŭ dziaržaŭnych orhanaŭ i arhanizacyj skaraciłasia ŭ 2013 hodzie na 25,1%. Zhodna ź infarmacyjaj BiełaPAN, u vyniku skaračeńnia kolkaść rabotnikaŭ dziaržorhanaŭ źmienšyłasia na 13,5 tys. da 40,5 tys. čałaviek na hety čas.
Aparat abłvykankamaŭ i Minskaha harvykankama skaraciŭsia za minuły hod na 29,4%, rajvykankamaŭ — na 17,4%. Pry hetym, pavodle najaŭnych źviestak, kolkaść sielskich (pasiałkovych) vykanaŭčych kamitetaŭ źmienšyłasia na 11,1% da 1,2 tys. adzinak.
Inicyjatyva ab skaračeńni štata rabotnikaŭ dziaržorhanaŭ pieršapačatkova źjaviłasia va ŭradzie jašče vosieńniu 2011 hoda. Reč u tym, što z-za devalvacyi rubla zarpłaty dziaržsłužačych istotna źnizilisia ŭ realnym vyražeńni, i, kab spynić adtok kadraŭ, urad vyrašyŭ skaracić svoj aparat z metaj pavieličeńnia zarpłaty rabotnikam, jakija zastalisia.
