Dzianis Dzianisaŭ ćvierdzić, što z bolšaściu achviaradaŭcaŭ jon raźličyŭsia. Zrešty, bolšaść achviaradaŭcaŭ viartańnia hrošaj i nie patrabuje: nie dla taho achviaravalisia.
Versija pra źniknieńnie hrašovaha zakładu, sabranaha nieabyjakavymi ludźmi dziela vyzvaleńnia z turmy Dzianisa Dzianisava, vyklikała šyroki rozhałas u Siecivie.
Źjaviłasia infarmacyja, što Dzianisaŭ usio ž raźličyŭsia z častkaj achviaradaŭcaŭ. Jak paviedamiła kaardynatarka kampanii «Padary svabodu palitviaźniu» Žanna Jamajkina, hetaja infarmacyja paćvierdziłasia sa słovaŭ ludziej, jakim hrošy ŭžo viarnuli, i z dasłanaha joj Dzianisavym lista. Adnak pakul viernutyja tolki kala 60 % ad usioj sumy. Taksama ŭ svaim liście Dzianis nie praliŭ śviatło na akaličnaści straty zakładu, dy nie patłumačyŭ svaich pavodzinaŭ. Pa‑raniejšamu častka ludziej žadaje viarnuć svaje hrošy. Štopraŭda, takich niašmat. Varta adznačyć, što bolšaść naviednikaŭ sajtaŭ, jakija kamentavali navinu pra Dzianisava, nie škadujuć, što dapamahli tamu vyrvacca z turmy. «Hałoŭnaje — my vyjavili svaju salidarnaść z čałaviekam, što byŭ u toj momant u biadzie» — prykładna tak miarkuje bolšaść kamentataraŭ.
Znajšła paćvierdžańnie j infarmacyja pra miescaznachodžańnie Dzianisava — jon nasamreč navučajecca ŭ Polščy pavodle prahramy Kalinoŭskaha.
 Dzianis Dzianisaŭ. Fota Julii Daraškievič |
