Biełaruska Ała Cupier zavajavała siońnia viečaram, 14 lutaha, zołata ŭ łyžnaj akrabatycy (98.01).
Jana prabiłasia ŭ pieršy finał z apošniaha miesca (u 12 najmacniejšych), potym u druhi finał (top-8), u trecim finale (čatyry najmacniejšych) startavała z apošniaha 4-ha miesca, bliskuča skočyła, tady jak kitajanka Li Nina i Lidzija Łasiła (Aŭstralija) u 3-m finale zvalilisia. A Ksiu Mintao (Kitaj) niaroŭna pryziamliłasia i nabrała mieniej bałaŭ.
Takim čynam u Biełarusi na Alimpijadzie absalutny rekord dla zimovych Hulniaŭ (try zołaty, adna bronza).
Ała Cupier prypyniała karjeru paśla naradžeńnia dački, ale viarnułasia ŭ frystajł.
Jana nie mieła namieru jechać na Alimpijadu, ale nie było kim zamianić jaje, i jana pahadziłasia. Ała Cupier udzielničała ŭ Alimpijadach 1998 (vystupała za Ukrainu, dzie naradziłasia 5-je miesca), 2002 (9-je), 2006 (10-je) i 2010 (8-je miesca).
Byłaja biełaruska Asol Śliviec, što ciapier vystupaje za Rasiju, nie prajšła ŭ druhi finał.