Siońnia mikrafinansavyja arhanizacyi ŭ Biełarusi nie tolki pazyčajuć hrošy, ale i prymajuć pazyki ad nasielnictva. Jaskravym prykładam apošniaha źjaviłasia PHUP «Jakuckija bryljanty». U svajoj rekłamie kampanija prapanoŭvała ludziam raźmiaścić u siabie źbieražeńni pad nievierahodny pracent: ad 72 da 96% hadavych u zaležnaści ad terminu.
Kiraŭnik Nacbanka Nadzieja Jermakova raniej užo achryściła hetuju arhanizacyju finansavaj piramidaj.
Kab prymać układy ŭ nasielnictva, treba atrymać na heta dazvoł Nacbanka. U «Jakuckich bryljantaŭ» jaho niama. Jurydyčna heta jany biaruć pazyčajuć u vas hrošy. Ale dla samavitaści i pierakanaŭčaści na ŭlotkach, panaviešanych u mietro, MFA paznačyła rekvizity licenzii Minfina na aptovy prodaž kaštoŭnych mietałaŭ. Minhandlu paličyŭ, što heta parušeńnie, — rekłamu źniali.
«Ministerstva handlu razhladała rekłamu «Jakuckich bryljantaŭ «i paličyła jaje nienaležnaj, bo ŭ rekłamie pa pryciahnieńni hrašovych srodkaŭ nasielnictva była pakazanaja licenzija na ažyćciaŭleńnie aptovaha handlu kaštoŭnymi mietałami. Hetaja infarmacyja ŭvodziła spažyŭcoŭ u zman, nibyta pradpryjemstva maje dazvoł na pryciahnieńnie pazyk», — raspaviadaje načalnik upraŭleńnia abarony pravoŭ spažyŭcoŭ i kantrolu za rekłamaj Minhandlu Iryna Baryšnikava.
Ale z rynku kampanija tak i nie syšła. Tam pa-raniejšamu biaruć pazyki. Paśla pryniaćcia ŭkaza, jaki rehuluje dziejnaść mikrafinansavych arhanizacyj, «Jakuckim bryljantam», chutčej za ŭsio, pryjdziecca zakrycca.
«U vypadku padpisańnia raspracavanaha dziaržorhanami dakumienta budzie ŭviedzienaja naŭprostavaja zabarona na pryciahnieńnie hrošaj jurydyčnymi asobami, jakija nie źjaŭlajucca bankami, niabankaŭskimi kredytna-finansavymi arhanizacyjami albo spažyvieckimi kaapieratyvami finansavaj uzajemadapamohi, jakija buduć u rejestry Nacyjanalnaha banka», — ahučvajuć pałažeńni ŭkaza pradstaŭniki rehulatara.
