Siońnia ŭ Vienie (Aŭstryja) skončyłasia zimovaja siesija Parłamienckaj Asamblei ABSIE. Hałoŭnymi temami byli «Ciapierašniaja situacyja va Ukrainie» i «Prablemy rostu ekstremizmu, radykalizmu i ksienafobii. Vykliki dla ABSIE rehijonaŭ». Pytańnie Biełarusi i čempijanat u Miensku ŭ traŭni taksama atrymali šyrokuju ŭvahu mižnarodnych parłamientaroŭ.
Varta adznačyć, što dadzienaje pasiedžańnie PA ABSIE vydatnaje tym, što jano adbyvajecca z novym staršyniom pracoŭnaje hrupy PA ABSIE pa Biełarusi Krystyjanam Cholmam. Jon i arhanizavaŭ sieminar, pryśviečany Biełarusi, z udziełam pravaabaroncy-viasnoŭca Valancina Stefanoviča i Andreja Sańnikava, eks-kandytata na prezidenckich vybarach 2012 hoda.
Pradstaŭniki biełaruskaha režymu admovilisia ŭdzielničać u sieminary.
Jak adznačyŭ Krystyjan Cholm, deputat parłamienta Šviecyi ad Partyi pamiarkoŭnych / šviedskija kansiervatary), najistotniejnaj metaj jaho pracoŭnaj hrupy jość chutkaje vyjaśnieńnie taho, jakija instrumienty PA ABSIE maje, kab mieć pazityŭny ŭpłyŭ na situacyju z pravami čałavieka i svabodaj u Biełarusi i jak tyja instrumienty mohuć vykarystoŭvacca.
Krystyjan Cholm adznačyŭ, što prysutnaść ofisa ABSIE ŭ Miensku dała b mahčymaść šyrejšaha dyjałohu i praduktyŭnaj pracy ŭ časie vybaraŭ prezidenta ŭ 2015-m hodzie i nazirańnia za imi.
Na dumku Krystyjana Cholma, viadomaha svajoj žorstkaj krytykaj praviadzieńnia čempijanatu ŭ Biełarusi z režymam Łukašenki, travieński Čempijanat śvietu pa chakiei maje adbycca stroha ŭ adpaviednaści ź mižnarodnymi standartami i patrabavańniami Mižnarodnaj fiederacyi chakieja, kab anijakich pieraškodaŭ nie rabiłasia ŭ pracy jak mižnarodnych, hetaksama i miascovych miedyjaŭ. Usie sproby rehulavańnia taho, što žurnalisty mohuć i nie mohuć aśviatlać u Biełarusi, całkam nieprymalnyja i staviać pad pytańnie sam fakt praviadzieńnia čempijanatu ŭ Miensku.
Nahadajem, što šviedskija spartovyja žurnalisty papiaredzili, što lubyja sproby rehulavać pracu ŚMI buduć interpretavacca vielmi niehatyŭna. Urešcie, ułady admovilisia ad idei admysłovych vizaŭ i akredytacyjaŭ dla pradstaŭnikoŭ zamiežnych ŚMI.