U Breście 17 lutaha ŭ vyniku DTZ zahinuŭ čałaviek, jašče adzin - ciažka paranieny.
Jak paviedamiła BiełaPAN staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Kaśjanik, u 1.50 24-hadovy bieraściejec za rulom «Opiela- Amiehi « jechaŭ pa aŭtadarozie M1/Je30 ad vulicy Dubroŭskaj u napramku punkta propusku «Kazłovičy». Niedaloka ad punkta propusku jon ździejśniŭ sutyknieńnie ź vialikahruznym aŭtamabilem « DAF « z paŭpryčepam, jaki ruchaŭsia na małoj chutkaści ŭ spadarožnym kirunku.
Fura stajała ŭ čarzie, kab pierasiekčy biełaruska-polskuju miažu, i ŭ hety čas była ŭ joj apošniaj.
U vyniku DTZ 48-hadovaja pasažyrka «Opiela», jakaja znachodziłasia na piarednim pasažyrskim siadzieńni, ad atrymanych cialesnych paškodžańniaŭ pamierła na miescy. Jana pražyvała ŭ Breście.
Kiroŭca z zakrytaj čerapna-mazhavoj traŭmaj ciažkaj stupieni i inšymi traŭmami špitalizavany ŭ reanimacyjnaje adździaleńnie Bresckaj abłasnoj balnicy.
33-hadovy kiroŭca fury, žychar Biarozy, nie paciarpieŭ.
Vyśviatlajucca pryčyny i abstaviny darožna-transpartnaha zdareńnia, u kiroŭcy «Opiela» ŭziataja kroŭ dla daśledavańnia na najaŭnaść ałkaholu.
«Opiel-Amieha « adnaŭleńniu nie padlahaje.
