15 kastryčnika prezident Biełarusi padpisaŭ ukaz № 498 “Ab dadatkovych mierach pa pracy sa zvarotami hramadzian i jurydyčnych asobaŭ”. Dakumient ustanaŭlivaje “iakasna novyja padychody” da pracy sa skarhami biełarusaŭ. Dahetul paradak zvarotaŭ rehulavaŭsia adpaviednym zakonam, pryniatym jašče ŭ 90-ja hady.
Voś jak prakamientavaŭ novuju situacyju sa skarhami juryst Juryj Čavusaŭ:
“Zaraz z pryniaćciom hetaha ŭkazu karennym čynam mianiajecca paradak razhladu zvarotaŭ hramadzian. Najpierš kidajecca ŭ vočy toje, što zaraz nielha budzie paskardzicca ŭ centr, u Minsk, u respublikanskija orhany kiravańnia.
Zhodna z paviedamleńniem samoj pres-słužby prezidenta, 70 % usich skarhaŭ – heta skarhi ŭ centralnyja orhany”.
Zaraz hetyja listy biełarusaŭ buduć razhladacca miascovymi ŭładami, u miežach rajonaŭ, i ź Minsku ci abłasnych centraŭ ich buduć viartać. Juryj Čavusaŭ prahnazuje, jak ludzi buduć reahavać na novaŭviadzieńnie:
“Mienavita skarhi vyšejstajačamu načalstvu – heta toj miechanizm, u jaki ludzi jašče vieryli. Jany ŭžo nie vieryli ni sudam, ni prakuraturam. Ale skarhi načalstvu im padavalisia dziejsnym miechanizmam.
Zaraz ułady hety miechanizm skasavali. Ja mahu prahnazavać, što, viadoma, heta nie stvoryć u revalucyjnaj situacyi, ale napružanaść u hramadstvie pavialičycca”.
Jość va ŭkazie i pazityŭny momant. Zaraz paradak razhladu zvarotaŭ raspaŭsiudžvajecca i na zvaroty ŚMI i jurydyčnych asobaŭ.
Na sajcie prezidenta Biełarusi pakul niama teksta samoha ŭkazu, ale jość kamientar da jaho.
