Hleb Łabadzienka i Alesia Litvinoŭskaja praviaduć 21 lutaha ŭ Babrujsku pieršy zaniatak ź biełaruskaj movy na kursach «Mova nanova», a vykładoŭcy «Mova ci kava» abiacajuć siurpryz dla haradziencaŭ u sakaviku.
«My vielmi chočam raspaŭsiudzić našyja kursy i na inšyja harady», – raspavioŭ adzin sa stvaralnikaŭ «Mova nanova» žurnalist Hleb Łabadzienka.
Ideja pravieści ŭ Babrujsku zaniatak pa biełaruskaj movie, dadaŭ spadar Łabadzienka, naležyć nie tolki jamu, ale i miascovym aktyvistam, jakija vyrašyli hetak adśviatkavać Dzień rodnaj movy.
21 lutaha budzie ŭvodny zaniatak, i kali cikavaść da kursaŭ z boku babrujčan budzie dastatkovaj, «Mova nanova» pačnie ŭ horadzie sistematyčnuju pracu.
Akramia Babrujsku, pavodle Hleba Łabadzienki, ciapier viaducca pieramovy z Połackam, Hrodna, Viciebskam, i jość vialikaje spadziavańnie, što «Mova nanova» ŭsio-tki vyjdzie pa-za miežy Miensku dy stała zapracuje ŭ inšych biełaruskich haradach.
Vykładoŭcy «pieršaprachodca» siarod kursaŭ ź biełaruskaj movy «Mova ci kava» Aleś Zaleŭski i Valaryna Kustava taksama chacieli b «zavajoŭvać» harady pa-za stalicaj. Jak raspavioŭ Aleś Zaleŭski, «dla haradziencaŭ «Mova ci kava» rychtuje admysłovy siurpryz u sakaviku». U toj ža čas, pavodle vykładoŭcy, arhanizatary kursaŭ nie staviać pakul za hałoŭnuju metu rehijanalnaje raźvićcio. Akcent jany chočuć zrabić na metavaj aŭdytoryi i abiacajuć nieŭzabavie raspavieści pra budučyniu kursaŭ.
Kursy «Mova ci kava», stvoranyja žurnalistkaj Kaciarynaj Kibalčyč, prachodziać u Miensku ad studzienia 2013 hodu. Sioleta viadoŭcami kursaŭ stali pradstaŭniki «Biełsatu» Aleś Zaleŭski i Valaryna Kustava.
