Na Majdanie Niezaležnaści dziejničaje treciaja siła, jakaja pravakuje abodva baki, jaje pradstaŭniki i stralajuć u pratestoŭcaŭ.
Takoje mierkavańnie vykazaŭ były načalnik Hałoŭnaha ŭpraŭleńnia raźviedki Ukrainy Alaksandr Skipalski ŭ intervju «Kommiersant-Ukraina».
«MUS faktyčna robić vyhlad, što nie zaŭvažaje, jak u jaho pad nosam dziejničajuć kryminalnyja hrupoŭki pa ŭzhadnieńni z asobnymi pradstaŭnikami ŭłady. Tamu bolšaść supracoŭnikaŭ siłavych struktur, jakija pracujuć na Majdanie, dezaryjentavany i nie da kanca razumiejuć, što adbyvajecca. Dy i majdanaŭcy taksama, miarkujučy pa ŭsim, nie razumiejuć, što tut dziejničaje treciaja siła, jakaja pravakuje abodva baki. Voś hetaja treciaja siła i jość terarysty ŭ poŭnym razumieńni hetaha słova. Bo jany pracujuć z metaj zapałochvańnia nasielnictva», - adznačyŭ jon.
Jon udakładniŭ, što pad «treciaj siłaj» majucca na ŭvazie najomniki.
«Heta bandyty, jakija za hrošy stralajuć u ludziej. SBU i MUS varta było b ich zatrymać, ale jany, na žal, hetaha nie robiać… Ja liču, heta najomniki», — dadaŭ były načalnik Hałoŭnaha ŭpraŭleńnia raźviedki.