Adukacyjny konkurs «1939 hod u pamiaci žycharoŭ Biełarusi» praciahvajecca da 15 maja.
Arhanizatary konkursa Internet-prajekt «Biełaruski archiŭ vusnaj historyi» MHA «Historyka» i HA «Dyjaryuš» zaprašajuć usich zacikaŭlennych da ŭdziełu ŭ infarmacyjnych mierapryjemstvach pa temie «Vusnaja historyja ŭ adukacyjnym pracesie», jakija adbuducca: 30 sakavika u Minsku, 5 krasavika u Homieli.
Na sieminarach možna budzie daviedacca pra pryncypy i asablivaści zbora vusnahistaryčnych materyjałaŭ z vučniami, mahčymaści ich vykarystańnia ŭ vykładčyckaj dziejnaści. Dasyłajcie svaje zajaŭki na ŭdzieł na adras konkurs@nashapamiac.org.
Vydatki na prajezd - za košt arhanizataraŭ.Usie pytańni vy možacie zadać pa telefonach: 8 029 397 52 15 (Volha), 8 029 358 31 84 (Pavieł)
Da 15 maja školniki mohuć dasyłać svaju pracu na konkurs pa temie «1939 hod u pamiaci žycharoŭ Biełarusi». Da ŭdziełu zaprašajucca vučni staršych kłasaŭ siarednich škoł i navučency siarednich śpiecyjalnych navučalnych ustanoŭ.
Što adbyłosia ŭvosień 1939 hoda? Jak hetyja padziei paŭpłyvali na žyćcio biełarusaŭ pa abodva baki miažy? Jaki vobraz tych pieraŭvareńniaŭ zachavała pamiać biełarusaŭ? Jakoje značeńnie dla histaryčnaha losu biełaruskaj nacyi maje vosień 1939 hoda? Kali vam cikavyja hetyja pytańni, značyć, naš Konkurs dla vas!
Dla ŭdziełu ŭ konkursie nieabchodna źviarnucca da vusnych uspaminaŭ. Heta značyć, da śviedčańniaŭ ludziej pra padziei 1939 h. i tyja źmieny, jakija pryniesła ŭ žyćcio biełarusaŭ savieckaja ŭłada. Vusnyja ŭspaminy dazvalajuć pahladzieć na histaryčnuju padzieju vačyma kankretnaha čałavieka.
Čakajem konkursnyja pracy i vašyja pytańni na elektronnuju skryniu: [email protected] ci pa adrasie: MHA «Historyka» 220000, a/s 128 (z paznakaj «Konkurs dla školnikaŭ»).
Pieramožcy i najbolš aktyŭnyja kiraŭniki prac atrymajuć kaštoŭnyja pryzy i dypłomy. Lepšyja pracy buduć apublikavanyja, a ich aŭtary – zaprošanyja na mižnarodnuju navukovuju kanfierencyju «Vierasień 1939 hoda ŭ histaryčnaj tradycyi i vusnaj historyi«, jakaja adbudziecca 26-27 vieraśnia 2014 h. u Minsku.
Konkursnaja praca pradstaŭlaje saboju ese, napisanaje na padstavie vusnych uspaminaŭ i inšych krynic.Minimalny pamier pracy – 10.000 znakaŭ, što prykładna składaje 4-5 staronak A4, intervał 1,5.
Pracu možna rabić indyvidualna, albo hrupaj, samastojna ci z dapamohaj kiraŭnika.
Materyjały i mietadyčnyja rekamiendacyi dla napisańnia konkursnaj raboty raźmieščany ŭ śpiecyjalnaj rubrycy pa adrasie naša pamiać.
