Hramadskaja kalehija pa skarhach na presu ŭ Rasii pryznała, što siužet Dźmitryja Kisialova «Ukrainskaje vieča» adroźnivajecca haniebna nizkaj jakaściu i farmuje łžyvy vobraz ruskaj žurnalistyki.
Pra heta havorycca ŭ rašeńni kalehii, tekst jakoha raźmieščany na jaje sajcie.
«Siužet «Ukrainskaje vieča», skanstrujavany ŭ łohicy padhonki žyćcia pad prapahandysckuju «kałodku», padmacavanyja vyrvanymi kadrami repartažu, «vyviedzienyja» abahulnieńni viadučaha adroźnivajucca haniebna nizkaj jakaściu, z raźlikam na nierazborlivaść, niepatrabavalnaść, usiojednaść infarmacyjna zaležnaj častki rasijskaha hramadstva», - havorycca ŭ rašeńni rasijskaj kalehii.
U dakumiencie taksama havorycca pra toje, što siužet «Ukrainskaje vieča», nie spryjajučy ŭmacavańniu davieru narodaŭ, farmuje łžyvy vobraz ruskaj žurnalistyki, ruskaj kultury, rasijskaha hramadstva ŭ vačach ukrainskaj aŭdytoryi.
«Siužet «Ukrainskaje vieča» moža być pryznany dastatkova typovym, adpaviednym «trendu» padmieny analizu prablem i pryčyn ich uźniknieńnia abmierkavańniem i dyskredytacyjaj asobnych piersanažaŭ abo hrup hramadzian, na pradastaŭleńnie aŭdytoryi hatovych receptaŭ i cetlikaŭ tam, dzie kultura demakratyi i kultura žurnalistyki praduhledžvajuć pradastaŭleńnie hramadzianinu infarmacyi dla razvažańniaŭ, samastojnaj acenki, sumiesnaha abmierkavańnia», - ličać členy Kalehii.
Takoje rašeńnie reziumuje razhlad skarhi ŭkrainskaj kamisii pa žurnalisckaj etycy na aśviatleńnie padziej Jeŭramajdanu viadučym prahramy «Viesti niedieli» Dźmitryjem Kisialovym.
